Павлодарлық колонияда эко-ойыншықтар шығаратын цех ашылды

Өндірісті таныстыруға Павлодар облысы кәсіпкерлер палатасының директоры Серік Сәдуақасов қатысты.
Бұған дейін әлеуметтік кәсіпкерлік арқылы адамдарға көмек көрсетуді мақсат еткен жас кәсіпкер Эмин Аскеров төрт жыл бұрын ағаш эко-ойыншықтар шығаратын "GreenTAL" әлеуметтік шеберханасын ашты, онда мүмкіндігі шектеулі адамдар қолөнерді үйреніп, жұмысқа тұра алды.
"GreenTAL" кәсіпорны Павлодардың колонияларының бірінде қамаудағыларға жаңа кәсіпті меңгеруіне көмектесу үшін және жазасын өтеу орнынан босатылғаннан кейін білікті маман болу үшін эко ойыншықтар жасау бойынша цех ашуды ұйғарды.
Сондықтан бүгін АП-162/3 колониясында эко-ойыншықтар жасау цехы ашылды.
Цехтың ашылу салтанатына облыс әкімінің орынбасары Айзада Құрманова, AMANAT партиясы облыстық филиалының атқарушы хатшысы Илья Теренченко, облыстық мәслихат депутаттары Серік Сәдуақасов ("Атамекен" өңірлік палатасының директоры), Динара Айтжанова, Павлодар облысы бойынша қылмыстық-атқару жүйесі департаментінің бастығы Әділет Мұстафинов қатысты.
"GreenTAL" кәсіпорнының басты мақсаты - балаларға сапалы өнім шығару.
"Анти-гаджет деп саналатын ойыншықтардың бұл түрлері жинауға және талдауға бейімделген. Бұл ойыншықтардың бірнеше артықшылығы бар. Олар экологиялық таза, инновациялық, баланың менталдық дамуына ықпал етеді", - деп атап өтті Эмин Аскеров.
#Павлодароблысыкәсіпкерлерпалатасы​​ #РПППавлодар​​ #seriksadvakasov​​ #РегСоветПавлодар