Ерекше қорғалатын табиғи аумақтарда заңсыз кесу

2021 жылдың 27 қарашасында Арбиген ауылының жұмыссыз тұрғыны "Ертіс орманы" РММ Шалдай филиалының Шошқалы орманшылығына Газ-53 автокөлігімен келіп, "Партнер" бензопиласының көмегімен "Қарағай" тұқымды қураған ағаштарды заңсыз кескен.

Сот отырысында құқық бұзушы әкімшілік құқық бұзушылық жасағаны үшін кінәсін толық мойындап, тұрғын үйді жылыту мақсатында өзі үшін ағаш кесуді жүзеге асырғанын көрсетті. 

Сот құқық бұзушыны ҚР ӘҚБтК-нің 381-1-бабының 3-бөлігі бойынша ерекше қорғалатынағаштар мен бұталарды заңсыз кесу, жою немесе зақымдау бойынша кінәлі деп танып, мемлекет кірісіне 306285 теңге сомасында айыппұл түрінде жаза тағайындады.

 Сонымен қатар, сот мемлекет кірісіне «Газ-53» автомашинасын, бензопила мен алынған ағашты тәркіледі.

Қаулы заңды күшіне енді.