Басқару құқығынан айырылған кезде көлік құралын басқарды

2021 жылдың 29 қыркүйегінде Шарбақты ауылының 1985 жылы туған тұрғыны "Фольксваген" автокөлігін, көлік құралын басқару құқығынан айырылған бола тұра басқарған.

Сотта құқық бұзушы өз кінәсін толық мойындады.

Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің мәліметтері бойынша бұрын құқық бұзушы көлік құралын басқару құқығынан 3 жыл мерзімге айырылған.

Сот құқық бұзушыны ӘҚБтК-нің 612-бабының 3-бөлігі бойынша кінәлі деп танып, оған мемлекет кірісіне 145850 теңге сомасында айыппұл түрінде әкімшілік жаза тағайындады.

Қаулы заңды күшіне енгенге дейін құқық бұзушы айыппұлды өз еркімен төледі.

Қаулы заңды күшіне енді.