Мен сайлаушымын

Дүниежүзілік сайлау күнін мерекелеуге байланысты жастарға электоралдық-құқықтық тәрбие беру мақсатында Шарбақты аудандық аумақтық сайлау комиссиясы 2022 жылғы 3 ақпанда жастары арасында «Сайлау және жастар» іскерлік ойынын өткізді. Шара басында бір-бірін танысу, одан соң ұжымды біріктіру мақсатында тренингтер ұйымдастырылып, одан кейін модераторлар қатысушыларға іскерлік ойынға 3 адамнан топ болып бөлінуді ұсынды.

         Ойынға қатысқан 5 команданың әрқайсысы жеребе тарту арқылы қатысушылар таңдаған белгілі бір саяси партияны ұсынуы керек еді. Келесі кезекте командалар партия көшбасшысын анықтап, оның тұғырнамасын зерделеп, партиядан үміткерді таңдап, сайлауалды бағдарламасын әзірлеп, сөз сөйледі.  Командалардың әрқайсысы өз бағдарламасын қорғап, қарсыластарына сұрақ қоюға, пікір білдіруге мүмкіндік алды.

         Іс-шара модераторлары спикерлерге көмектесіп, оларға бағыт-бағдар беріп, сайлау науқанында нені қолдануға болмайтынын көрсетті. Осылайша, жас сайлаушылар еліміздің саяси партияларымен, олардың жетекшілерімен, идеологиялық көзқарастарымен танысты. Шара қатысушылардың іс-әрекетіне талдау жасалып, жастардың пікірлері тыңдалып, естелік суретке түсумен аяқталды.