Медиациятәртібіментатуласты

Шарбақты аудандық соты 1987 жылы туған Шалдай ауылының жұмыс істемейтін тұрғынына қатысты қылмыстық істі қарады.

2021 жылдың 7 мамырында сағат 13 шамасында сотталушы Шарбақты ауылында тұратын танысына қонаққа келді. Дәлізде газ баллоны мен алюминий құтысын көріп, бөтеннің мүлкін жымқыру туралы ой келген. Ойлағанын іске асырып, нәтижесінде жәбірленушіге 14000 теңге көлемінде материалдық шығын келтірген.

Сотқа дейінгі тергеу барысында ұрланған мүлік жәбірленушіге қайтарылды.

Сот отырысы басталғанға дейін жәбірленуші медиация тәртібімен келісім жасасуға, яғни тараптардың татуласуына байланысты қылмыстық істі тоқтату туралы өтінішпен жүгінді, өйткені келтірілген материалдық залал толық көлемде өтелді.

Сотта сотталушы кінәсін толық мойындады.

Сот жәбірленушімен медиация тәртібімен татуласуына байланысты сотталушыны ҚК-нің 188-бабының 1-бөлігі бойынша қылмыстық жауаптылықтан босатты.

Іс бойынша ісжүргізу тоқтатылды.

 

Қаулы заңды күшіне енді.

 

«Шарбақты аудандық сотының

баспасөз қызметі»