Велосипед ұрлады

Шарбақты аудандық соты Шарбақты ауылының 1994 жылы туған тұрғынына қатысты қылмыстық істі қарады.

2021 жылғы 24 маусымда сағат 01: 35 шамасында сотталушы өзімен бірге бұрын жол бойында табылған арматураны алып, Шарбақты ауылында орналасқан дүкенге бет алды. Арматураны пайдалана отырып, ол қойманың есік ойығын бұзып, ішіне кіріп, құны 25000 теңге тұратын "GILANG" маркалы велосипедін ұрлап кеткен.

Сотта жауап алынған сотталушы кінәсін толық мойындап, сотқа мойындау айғақтарын берді.

Сот сотталушыны ҚК-нің 188-бабының 3-бөлігі 3-тармағы бойынша кінәлі деп танып, оған 2 жылға бас бостандығын шектеу жазасын тағайындады.

Сонымен қатар, сот сотталушыдан жәбірленушілердің өтемақы қорына 58 340 теңге көлемінде мәжбүрлі төлем өндіріп алды.

Үкім заңды күшіне енді.

"Баспасөз-қызметі

Шарбақты аудандық сотына"