Орман алқабында көлікті мас күйінде басқарған

Шарбақты аудандық соты 1983 жылы туған Чушқалы ауылының тұрғынына қатысты әкімшілік істі қарады.

2021 жылғы 26 мамырда сағат 06-00 шамасында құқық бұзушы Көлік құралдарын басқаруға құқығы жоқ адам бола тұра, мас күйінде, оңтүстік бағыттағы Чушқалы ауылының жанындағы орман алқабында "ВАЗ-21074" маркалы автокөлікті басқарып, оны полиция қызметкерлері ұстады.

Сот отырысында құқық бұзушы кінәсін толық мойындады. Істеген әрекетіне өкінетіндігін айтты.

Сот құқық бұзушыны ӘҚБтК-нің 608-бабының 6-бөлігі бойынша кінәлі деп танып, 20 тәулік мерзімге қамауға алу түріндегі жаза тағайындады.

Қаулы заңды күшіне енді.

"Баспасөз-қызметі

Шарбақты аудандық сотына»