Тұрғын үйге заңсыз басып кірді

Шарбақты аудандық соты Шарбақты ауылының жұмыс істемейтін екі тұрғынына қатысты қылмыстық істі қарады.

 2021 жылғы 3 сәуірде түнгі уақытта сотталушылар мас күйінде Шарбақты ауылы Заводская көшесіндегі пәтердің кіреберіс есігін бұзып, онда тұрып жатқан жәбірленушінің еркіне қарсы тұрғын үйге басып кірді.

Сотта жәбірленуші медиация тәртібімен келісім жасасуға байланысты қылмыстық істі тоқтату туралы өтініш жасады, өйткені оған келтірілген залал өтелді, сотталушыларға ешқандай шағымдар жоқ.

Сот жәбірленушімен медиация тәртібімен татуласуына байланысты сотталушыларды ҚК-нің 149-бабының 2-бөлігі бойынша қылмыстық жауаптылықтан босатты.

 Қаулы заңды күшіне енген жоқ.

«Баспасөз-қызметі Шарбақты аудандық сотына»