Жалға алушы ұрлық жасады

Шарбақты аудандық соты 1985 жылы туған Шарбақты ауылының жұмыс істемейтін тұрғынына қатысты қылмыстық істі қарады.

2021 жылғы 16 ақпанда сағат 18 шамасында сотталушы Шарбақты ауылындағы жәбірленушіден жалға алынған пәтерде жалпы құны 40000 теңге болатын пеш плитасын, желтартқышты және пештен екі есікті ұрлап кеткен.

Сот отырысы барысында жәбірленуші сотталушымен медиация тәртібімен келісім жасасуға байланысты осы қылмыстық істі тоқтату туралы өтінішпен жүгінді, өйткені материалдық залал толық көлемде өтелді, сотталушыға ешқандай шағымдар жоқ.

Сот жәбірленушімен медиация тәртібімен татуласуына байланысты сотталушыны ҚК-нің 188-бабының 1-бөлігі бойынша қылмыстық жауаптылықтан босатты.

Іс материалдары емдеу туралы мәселені шешу үшін денсаулық сақтау органдарына берілсін, өйткені сот-наркологиялық сараптаманың қорытындысына сәйкес сотталушы алкогольді тұтынудан туындаған психикалық мінез-құлық бұзылуларынан зардап шегеді.

Сондай-ақ, сот сараптама жүргізгені үшін сотталушыдан мемлекет кірісіне 2 252 теңге сомасындағы процессуалдық шығындарды өндіріп алды.

Қаулы заңды күшіне енген жоқ.

"Баспасөз қызметі

Шарбақты аудандық сотына»