21 сағаттан кейін алкоголь сату

Шарбақты аудандық сотымен Шарбақты ауылының жеке кәсіпкеріне қатысты әкімшілік іс қаралды.
2020 жылғы 02 қазанда сағат 21: 02-де Шарбақты ауылында орналасқан дүкеннің сатушысы құны 980 теңге, көлемі 0,5 литр "Родная степь" маркалы арақтың бір бөтелкесін сатты, яғни сағат 21-ден кейін этил спиртінің көлемдік үлесі отыз пайыздан асатын алкоголь өнімін бөлшек саудада сатты.
Сот отырысында кәсіпкер өз кінәсін мойындап, соттан қатаң жазаламауды өтінді.
Сот құқық бұзушыны ӘҚБтК-нің 200-бабының 3-бөлігі бойынша кінәлі деп танып, 77 784 теңге сомасында айыппұл түрінде жаза тағайындады. Сонымен қатар, сот лицензияның қолданылуын 1 ай мерзімге тоқтатты.

Қаулы заңды күшіне енген жоқ.

"Баспасөз қызметі
Шарбақты аудандық сотына»