Ағаштарды заңсыз кескені үшін жазаланды

2020 жылдың басынан Шарбақты аудандық сотымен ерекше қорғалатын табиғи аумақтарда ағаштарды заңсыз кескені үшін 7 әкімшілік іс қаралды. Құқық бұзушыларға құқық бұзушылық құралы тәркіленіп, айыппұл түріндегі әкімшілік жаза тағайындалды. Барлық тағайындалған айыппұлдарды құқық бұзушылар өз еркімен төлеген.
Мәселен, 2020 жылдың 17 қарашасында Шарбақты аудандық сотымен 1993 жылы туған Есіл ауылының тұрғынына қатысты әкімшілік іс қаралды.
2020 жылдың 08 қазанында сағат 14 шамасында құқық бұзушы "Ертіс орманы" МОТР РММ Шалдай филиалының Сейтен орманшылығында "Теха" маркалы бензопиланы пайдалана отырып, 1 дана көлемінде "Қарағай" тұқымды ағаштарды заңсыз кесіп, мемлекетке 7556 теңге залал келтірді.
Сотта құқық бұзушы кінәсін толық мойындады, түсініктеме беруден бас тартты. Істеген әрекетіне өкінетіндігін айтты.
Сот құқық бұзушыны ӘҚБтК-нің 381-1-бабының 3-бөлігі бойынша кінәлі деп танып, оған 58 338 теңге сомасында айыппұл түрінде жаза тағайындады.
Сот "Теха" маркалы шынжырдың құқық бұзушылық құралын мемлекет кірісіне тәркіледі.
Қаулы заңды күшіне енгенге дейін құқық бұзушы айыппұлды өз еркімен төледі.
Қаулы заңды күшіне енген жоқ.

"Баспасөз қызметі
Шарбақты аудандық сотына»