Азаматтық алу фактісі туралы хабарлаған жоқ

Қазақстан Республикасының заңнамасында белгіленген шетел азаматтығын алу фактісін хабарламағаны үшін Шарбақты аудандық сотымен 2020 жылдың басынан бастап 7 әкімшілік іс қаралды. Оның ішінде үш шетелдік шығарылды, төртеуі айыппұлға тағайындалды, оны құқық бұзушылар өз еркімен төледі.
Шарбақты аудандық сотымен 1974 жылы туған Ресей Федерациясының Таулы Алтай қаласының тұрғынына қатысты әкімшілік іс қаралды.
2015 жылдың қараша айында құқық бұзушы Ресей Федерациясының азаматтығын қабылдап, Қазақстан Республикасының азаматтығын жоғалтты. Алайда ҚР заңнамасында белгіленген мерзімде шетелдік азаматтықты алу фактісі туралы хабарлаған жоқ.
Сот отырысында шетелдік азамат кінәсін толық мойындап, ҚР Көші-қон заңнамасын білмеу бойынша құқық бұзушылық жасағанын түсіндірді. Қазақстанда жақын туыстарының тұруына байланысты оған айыппұл тағайындауды өтінді.
Сот шетелдікті ӘҚБтК-нің 496-бабының 2-бөлігі бойынша кінәлі деп тапты.
Кінәлінің жеке басын, жауаптылықты жеңілдететін мән-жайлардың болуын, оның мүліктік жағдайын, құқық бұзушының пікірін, құқық бұзушының Қазақстан Республикасында туыстарының болуын назарға ала отырып, сот оған 388 920 теңге сомасында айыппұл түрінде әкімшілік жаза тағайындады.
Сол күні құқық бұзушы айыппұлды өз еркімен төледі.
Қаулы заңды күшіне енген жоқ.

"Баспасөз қызметі
Шарбақты аудандық сотына»