Судағы қауіпсіздік — баршаға ортақ міндет: Шарбақты ауданының ТЖБ тұрғындарға үндеу жолдайды!

Ыстық жаз күндерінің басталуымен Шарбақты ауданының су айдындары аймағымыздың жүздеген тұрғындары мен қонақтары жиналатын басты орынға айналады. Алайда, статистика көрсеткендей, судағы мінез-құлықтың қарапайым ережелерін елемеушілік пен ұқыпсыздық демалысты бір сәтте орны толмас қасіретке айналдыруы мүмкін.Шарбақты ауданының Төтенше жағдайлар бөлімі ескертеді: су қателікті, бір секундтық қырағылықты жоғалтуды немесе тым өзіне сенімділікті кешірмейді.

Назар аударыңыз: балалар!Өсіп келе жатқан ұрпақтың қауіпсіздігі — бөлек және ең маңызды тармақ. Су бойындағы балалар ересектердің үздіксіз, секунд сайынғы бақылауында болуы тиіс. Кәмелетке толмағандарды су айдындарына үлкендердің ілесуінсіз жіберуге қатаң тыйым салынады. Үрлемелі матрастарға, шеңберлерге немесе жеңқаптарға толықтай сеніп артпаңыз — бұл құтқару құралы емес, тек көңіл көтеруге арналған заттар. Олар желдің екпінінен оңай жарылып, аударылып немесе ауасы шығып кетуі мүмкін. Балалармен үнемі әңгімелесіп, судың қауіптілігі жоғары аймақ екенін түсіндіріп отырыңыз.

Егер сіз суға батып бара жатқан адамды көрсеңіз:
- Жедел түрде 101 немесе 112 телефондары арқылы құтқарушыларды шақырыңыз.
- Айналадағы адамдарды қатты дауыспен көмекке шақырыңыз.
- Егер өз күшіңізге сенімді болсаңыз, батып бара жатқан адамға құтқару шеңберін, ұзын арқан лақтырыңыз немесе қолжетімді құралдарды (таяқ, киім) ұсыныңыз.

Құрметті Шарбақты ауданының тұрғындары мен қонақтары! Сіздің және балаларыңыздың қауіпсіздігі, ең алдымен, өзіңіздің саналылығыңызға байланысты. Өміріңізді негізсіз қатерге тікпеңіз. Жаз мезгілі сіздерге тек қуаныш пен жақсы естеліктер сыйласын!