Азық-түлік базарларында тағамнан уланудың алдын алу

Тамақтан улану — бұл ластанған немесе бүлінген өнімдерді тұтынудың салдарынан туындайтын жедел аурулар. Азық-түлік базарларында халықтың көп шоғырлануына және санитарлық талаптардың толық орындалмауына байланысты улану қаупі жоғары.

Алдын алу шаралары:

Санитарлық-гигиеналық талаптарды сақтау:

• Сауда орындарын үнемі тазалау және дезинфекциялау.
• Сумен қамтамасыз ету және кәріз жүйесінің болуы.
• Қорғаныш киімдерін (қолғап, алжапқыш, бас киім) пайдалану.

Өнімнің сапасын бақылау:

• Бұзылған немесе шіріген өнімдерді сатуға тыйым салу.
• Сапасыз өнімдерді уақытылы жою.

Сатушылардың жеке гигиенасы:

• Міндетті медициналық тексеруден өту.
• Өніммен немесе ақшамен байланыстан кейін қолды тазарту.
• Ветеринарлық-санитарлық сараптама болуы:
• Жануар тектес өнімдерге тиісті құжаттардың болуы міндетті.

Көкөніс, жеміс-жидек және бақша өнімдерін сақтау мен сату талаптары

Бұл өнімдер тез бұзылатын болғандықтан, оларды дұрыс сақтау және сату өте маңызды.

Сақтау шарттары:  Температуралық режим:

• Көкөністер: +2…+10 °C;
• Жеміс-жидектер: 0…+4 °C (өнім түріне байланысты);

- Бақша өнімдері (қарбыз, қауын): +10…+15 °C, құрғақ әрі желдетілетін бөлмелерде;

- Ауаның ылғалдылығы: 85–95% (өнімге байланысты);

- Химиялық заттармен, тұрмыстық химиямен немесе улы өнімдермен бірге сақтауға тыйым салынады;

Сату шарттары:

- Өнімдер арнайы сөрелерде, сату үстелдерінде немесе табандарда жермен тікелей жанаспайтындай етіп қойылуы тиіс;

- Күннен, шаңнан, жаңбырдан қорғайтын шатыр немесе жабық аймақ болуы керек;

- Өнімнің сапасы үнемі тексеріліп, бұзылғандары жойылып отыруы қажет;

- Шіріген, көгерген, бүлінген өнімдерді сатуға тыйым салынады.