Кене энцефалитінің алдын алу

Кене энцефалиті — бұл адамға жұқтырылған кене шаққан кезде берілетін вирустық ауру. Ауру ауыр түрде өтіп, орталық жүйке жүйесін зақымдауы мүмкін, сондықтан оның алдын алу өте маңызды.

Кенелердің белсенді кезеңі негізінен көктем мен жаз айларына сәйкес келеді. Әсіресе орман, саябақ, саяжай аумақтары және шөбі қалың жерлерде қауіп жоғары болады.

Негізгі алдын алу шаралары:

1. Табиғатқа шыққанда қорғану Табиғатқа барған кезде:

жабық киім кию (ұзын жеңді киім, балақты шалбарды шұлықтың ішіне салу);

бас киім кию;

ашық түсті киім таңдау (кенені тез байқау үшін).

2. Репелленттерді қолдану Кенелерді үркітетін арнайы құралдарды (репелленттерді) қолдану шағу қаупін азайтады. Оларды нұсқаулыққа сәйкес киімге және ашық теріге жағу қажет.
3. Өзін-өзі және бірін-бірі тексеру Табиғаттан келгеннен кейін денені, киімді және шашты мұқият тексеру керек. Әсіресе мойын, қолтық асты, шап аймағына назар аудару қажет.
4. Кенені дұрыс алу Егер кене жабысып қалса, оны мүмкіндігінше тез арада, жақсысы медициналық мекемеде алып тастау керек. Өздігінен алған жағдайда кенені жаншып алмау және шаққан жерді антисептикпен өңдеу қажет.
5. Вакцинация Кене энцефалитіне қарсы вакцинация — алдын алудың ең тиімді әдісі. Ол эндемиялық аймақтарда тұратын және жұмыс істейтін адамдарға ұсынылады.
6. Аумақтарды абаттандыру Аумақтарды шөптен, бұтадан және қоқыстан тазарту кенелердің санын азайтады.

Қорытынды

Қарапайым алдын алу шараларын сақтау кене энцефалитін жұқтыру қаупін едәуір төмендетеді. Кене шаққан жағдайда міндетті түрде медициналық көмекке жүгіну және денсаулық жағдайын бақылау қажет.