АПВ: елемеуге болмайтын инфекция.

Қазіргі әлемде адам папилломасы вирусы (АПВ) туралы жиі айтыла бастады. Бұл жыныстық жолмен берілетін ең кең таралған инфекциялардың бірі. Бірақ оның кең таралуына қарамастан, АПВ әлі де мифтермен, қорқыныштармен және үнсіздікпен қоршалған.Адам папилломасы вирусы 100-ден астам түрден тұрады. Кейбіреулері қарапайым бородавкаларға себеп болса, ал басқалары қауіпті болуы мүмкін - олар жатыр мойнының, анальды арнаның, жыныс органдарының және тамақтың қатерлі ісіктеріне әкелуі мүмкін. Әсіресе, әйелдерде тәуекел жоғары: жатыр мойнының ісіктерінің барлық дерлік жағдайлары АПВ-мен байланысты. Инфекция көбінесе симптомсыз өтеді, және адам өзінде инфекция бар екенін білмей қалуы мүмкін, бірақ осы уақыт ішінде вирус таратушы болып, оны басқаларға жұқтыруы мүмкін.

2024 жылдан бастап Қазақстанда АПВ-ға қарсы жоспарлы вакцинация басталды және қазіргі уақытта бағдарлама табысты жалғасуда. Вакцинация 11-14 жас аралығындағы қыздарға ата-аналарымен келісім бойынша жүргізіледі. Бұл қатерлі ісік ауруларымен күрестегі маңызды қадам, және Қазақстан мемлекет ретінде болашақ ұрпақтың денсаулығына қамқорлық жасап, алдын алу шараларынан бастап, әлемдік деңгейде алдыңғы қатарлы елдердің қатарына қосылды.

Өзіңізді және жақындарыңызды қалай қорғауға болады?

Вакцинация жасатыңыз. АПВ-ға қарсы вакцинация – вирус қауіпті түрлерінен қорғаудың нақты мүмкіндігі. Вакцина қауіпсіз, тиімді және Дүниежүзілік денсаулық сақтау ұйымы ұсынған.

Реттелген түрде тексерістен өтіңіз. Әйелдерге ПАП-тест (цитология бойынша жағынды) және АПВ-тест. Ерлерге – уролог немесе андрологқа кеңес алу, әсіресе тәуекел факторлары болған жағдайда. Ерте диагноз қою – денсаулықты сақтау кілті.Қорғаныс құралдарын пайдаланыңыз және серіктестерді таңдау кезінде сақ болыңыз.Бұл туралы ашық сөйлеуден қорықпаңыз. Ашық әңгіме – алдын алу қадамы.

Бүгін бізде рак ауруларын алдын алу құралдары бар. Бір ғана егу арқылы онкология қаупі бірнеше есеге төмендейді. Біз тек болашақ ұрпақтың денсаулығы туралы сөз қозғамаймыз – біз іс-әрекет етеміз.

Білімді таңдаңыз, қорғауды таңдаңыз, денсаулықты таңдаңыз.АПВ – қорқатын себеп емес. Бұл әрекет ету үшін себеп.