Мас күйінде қызметтік көлікті басқарған

Шарбақты аудандық сотымен Шарбақты аудандық ауруханасының жүргізушісі, Орловка  ауылының тұрғыны, 1986 жылы туған азаматқа қатысты әкімшілік құқық бұзушылық туралы іс қаралды.

Құқық бұзушы 2020жылдың 27 тамызында шамаммен 02 сағат 10 минутта Орловка ауылының маңында «Уаз 396295» маркалы автокөлігін мас күйінде  жүргізген.

Сот отырысында құқық бұзушы кінәсінтолық мойындап, 2020 жылдың 27 тамызында қызметтік көлікті мас күйінде басқарғанын, оны полиция қызметкерлері тоқтатқаның түсіндірді.

Құқық бұзушы бұл іс бойынша өкінеді.

Сот құқық бұзушыны ӘҚБтК-нің 608-бабының1- бөлігі бойынша кінәлі деп танып, оған 15 тәулік мерзімге қамауға алу және көлік құралын жүргізу құқығынан 7 жылға айыру түрінде жаза тағайындалды.

Қаулы заңды күшіне енді.

«Шарбақты аудандық

сотының баспасөз қызметі»