АПВ-ның  алдын алу.

Жатыр мойны обыры - бұл өте қорқынышты және жасырын ауру. Кейде ол өте тез дамиды және химиотерапия мен сәулелік терапияға қарамастан, әйел қатты зардап шегеді және ауыр өледі. Қазақстанда, статистикалық мәліметтерге сәйкес, соңғы 15 жылда жатыр мойны обырына шалдығудың айтарлықтай өскені байқалады - орташа есеппен 22% және біздің елімізде күн сайын екі әйел осы аурудан қайтыс болады. Отбасы әйелінен, анасынан, қарындасынан, қызынан айырылады. Жатыр мойны обыры — әйелдер арасында ең көп таралған екінші онкопатология — адам папилломавирусының (АПВ) онкогенді вирусынан туындағаны дәлелденді. Сіз жыныстық қатынас кезінде, сүйісу және дене байланысы кезінде науқастан жұқтыра аласыз.Сонымен қатар, бұл вакцинация арқылы алдын алуға болатын жалғыз онкологиялық ауру. Егер 20 жыл бұрын жатыр мойны обыры 50-60 жастан асқан әйелдерде анықталса, бүгінде Қазақстанда пациенттердің орташа жасы 40-45 жасты құрайды. Бұл негізінен репродуктивті жастағы әйелдер. Жатыр мойны обырын қазір тіпті 25-30 жастағы әйелдер де ауырады.Бүгінгі таңда АПВ-ға қарсы вакцинасы – жатыр мойны обырының алдын алудың жалғыз тиімді әдісі болып табылады. Оны Дүниежүзілік денсаулық сақтау ұйымы және FDA (АҚШ-тың азық-түлік және дәрі-дәрмек сапасын бақылау бойынша басқармасымен) мақұлданды. Вакцина 15 жыл бұрын ойлап табылған және 10 жылдан астам уақыт бойы Финляндия, Австралия, АҚШ, Израиль және т. б. дамыған елдерде қолданылған.Онкологтардың пікірінше, вакцинация, әсіресе 11-12 жаста, яғни жыныстық дебютке дейін, жатыр мойны обырының даму қаупін іс жүзінде 100% төмендетуге мүмкіндік береді.

Қазақстанда денсаулық сақтауды дамытудың 2025 жылға дейінгі мемлекеттік бағдарламасы әзірленіп енгізілді. Онда 2024 жылдың қыркүйегінен бастап 11 жастағы қыз қыздарға АПВ қарсы вакцинациясын енгізу туралы сөз болды.

АПВ вакцинациясы ерікті, ақысыз және тек ата-аналардың жазбаша рұқсатымен ғана болады. Бұл «Халық денсаулығы және денсаулық сақтау жүйесі туралы» кодексте жазылған. Бұл сіздің құқығыңыз және сіздің таңдауыңыз.

Бірақ сіз қыздарыңыздың денсаулығы туралы ойлануыңыз керек! Олардың болашағын қатерлі ісік сияқты ауыр дерттен сақтау бүгінде шындыққа айналды!