Қызылша ауруының кезендері

❗Қызылша - ауа тамшылары арқылы берілетін қауіпті жұқпалы ауру. Иммундалмаған, қызылшамен ауырмаған адамдар науқаспен байланыста болған кезде жасына қарамастан 90% жұқтыру қаупі бар.

 

📍Аурудың дамуының үш кезеңі бар:

 

1- Кезең- Хабаршы (1-3 күнде)

-қызба (38-39*С)

-жоғары тыныс жолдарының қатары (мұрыннан су ағу, жөтел);

-конъюнктивит;

-Белский –Филатов-Коплик дақтары (қызыл жолақпен қоршалған кішкентай ақшыл дақ – «жарма»);

 2- кезең – Бөртпелер (4-5күнде)

Макуло-папулезді сипаттағы кезең-кезеңімен бөртпенің шығуы:

1-күн – бетте, мойында, құлақтың артында бөртпе;

2-күн – денеде;

3-күн – қол-аяқта.

3-Кезең – Пигментация (пигментация басталғаннан бері 4-күннен бастап)

-бөртпе сияқты бірізділікпен жүреді;

-кебек сияқты қабыршықтану;

-ұзақтығы 1-1,5 апта.

 

Асқынулар: пневмония, мидың зақымдануы, соқырлық пен кереңдік, шашыраңқы склероз, бүйректің зақымдануы.

Қызылшаны емдеудің тиімді және нақты әдісі жоқ. Қызылшадан жалғыз тиімді қорғаныс-вакцинация. Вакцинация-қызылшадан қорғаудың ең сенімді әдісі, ол сенімді иммунитетті қалыптастырады және аурудың дамуына жол бермейді.

12 айлық және 6 жастағы балаларды Ұлттық егу күнтізбесіне сәйкес вакцинациялау(ревакцинация). 6 қарашадан бастап 6-10 айлық балаларды, 2-4 жас аралығындағы балаларды және екпе алмаған медицина қызметкерлерін қосымша жаппай иммундау басталды. Тұрғылықты жеріңіз (тіркелген орныңыз) бойынша емханада тегін екпе алуыңызға болады.

Құрметті ата-аналар! Сіздің балаңыздың денсаулығы - сіздің қолыңызда! Осыған байланысты ата-аналарды баласының денсаулығы үшін жауапкершілікті өз мойнына алуға және уақытында вакцинациялауға шақырамыз!