Өзіңізді КВИ-ден қорғаудың ең жақсы тәсілі – вакцинациялау және ревакцинациялау бойынша ақыл-кеңестер.

⚡️ КВИ-дің алдын алу – вакцинациялау және гигиена қағидаларын сақтау жөніндегі ақыл-кеңестер

🔷️ Өзіңізді КВИ-ден қорғаудың ең жақсы тәсілі – вакцинациялау және ревакцинациялау.

🔷️ Қолыңызды таза ұстаңыз – оларды сабынмен және сумен кем дегенде 20 секунд жуыңыз, содан кейін бір реттік қағаз сүлгімен құрғатыңыз. Өзіңізбен бірге антисептикалық майлықтар немесе сұйық дезинфекциялық құралдар (гельдер, спрейлер және т.б.) болған жөн. Осылайша қолыңызды жуу мүмкін болмаса да, оларды әрдайым таза ұстай аласыз.

🔷️ Жуылмаған қолдарыңызды аузыңызға, мұрныңызға немесе көзіңізге тигізбеуге тырысыңыз.

🔷️ Қоғамдық орындарға барған кезде және қоғамдық көлікті пайдаланған кезде бетпердені қолданыңыз. Есіңізде болсын, бетпердені екі-үш сағат сайын өзгерту керек!

🔷️ Қолыңыз тиетін заттар мен құрылғыларды (компьютер немесе ноутбук пернетақтасы, смартфон экраны, қашықтан басқару құралдары, ажыратқыштар және есік тұтқалары) үнемі тазалап, зарарсыздандырыңыз. Вирустармен күресу үшін майлықтарды, спрейлерді және медициналық спирт негізіндегі гельдерді қолданған дұрыс.

🔷️ Бір рет қолданылатын майлықтарды алып жүріңіз және жөтелгенде немесе түшкіргенде әрқашан мұрын мен ауызды жабыңыз. Қолданғаннан кейін оларды дереу жою керек.

🔷️ Егер басқа адамдар саусақтарын тамаққа (жаңғақтар, чипстер, печенье және басқа да тағамдар) батырса, ортақ пакеттерден немесе ыдыстардан оларды жеуге болмайды.

🔷️ Бөлмелерді жиі желдетіңіз, үнемі ылғалды тазалау жүргізіңіз.

🔷️ Бір-біріңізбен қол тигізбей амандасыңыз. Қол алысудың орнына жесттерді қолданыңыз немесе қолыңызды бұлғаңыз.

🔷️ 1,5-2 метр әлеуметтік қашықтықты сақтауға тырысыңыз.