ЖСК туралы ереже

Шарбақты аудандық аумақтық сайлау комиссиясының «Жас сайлаушылар клубы» (бұдан әрі – Клуб) «Қазақстан Республикасындағы сайлау туралы» Қазақстан Республикасы Конституциялық заңының 14-бабының 11-1) тармақшасына сәйкес және Шарбақты аудандық аумақтық сайлау комиссиясының жұмыс регламентіне сәйкес болашақ жас сайлаушылардың құқықтық біліктілігін арттыру мақсатында құрылған жас азаматтардың ерікті бірлестігі болып табылады.

Осы Ереже Клубтың жұмыс тәртібін анықтайды.

Клуб өз қызметін жүзеге асыру барысында «Шарбақты аудандық аумақтық сайлау комиссиясы (ААСК), «Шарбақты ауданының Қаһарман жастар орталығы» мемлекеттік мекемесі, Шарбақты ауданының аграрлық-техникалық колледжімен, сондай-ақ мектептермен, басқа да органдармен, ұйымдармен өзара іс-қимыл жасайды.
Клуб ережесі ААСК қаулысымен бекітіледі.
Жас сайлаушылар клубының мақсаты мен міндеттері

Клубтың мақсаты – өскелең ұрпақ арасында белсенді азаматтық ұстанымды, құқықтық мәдениетті және түрлі деңгейдегі сайлау науқандары мен референдумдарға қатысуға жауапкершілікпен қарауды тәрбиелеу.

1) Жастардың сайлау процесіне қызығушылығын және олардың қоғам мен мемлекетке қатысуын арттыру.

2) Қазіргі заманғы технологиялар мен форматтарды пайдалана отырып, жастар арасында ақпараттық-ағарту жұмыстарын ұйымдастыру.

3) Жас және болашақ сайлаушылар мен сайлауды ұйымдастырушылардың құқықтық мәдениетін арттыру жөніндегі бағдарламалар мен жоспарларды іске асыру.

4) жастардың сайлау процесіне қатысуының өзекті аспектілерін қарастыру және олардың бастамаларын іске асыруға жәрдемдесу;

Жас сайлаушылар клубы мүшелерінің құрамы мен құқықтары
Клуб мүшелері жас мамандар, «Шарбақты ауданының Қаһарман жастар орталығы» мемлекеттік мекемесінің, аудандағы мектептер мен колледждердің, коммерциялық емес қоғамдық бірлестіктердің, мемлекеттік органдардың (келісім бойынша) өкілдері бола алады. Клубқа қатысу ерікті.
Клуб отырысының күн тәртібіне енгізілген мәселелерді талқылау кезінде клуб мүшелерінің құқықтары тең.
Клуб жетекшісі Шарбақты аудандық аумақтық сайлау комиссиясының мүшесі.
Клуб мүшелерінің құқығы бар:

1) Шарбақты ААСК мүшелеріне ұсыныстармен жүгінуге;

2) клуб отырысының хаттамасына қоса тіркелуге жататын клуб қатысушыларының өзге де пікірлерімен келіспеген жағдайда өз пікірін баяндауға міндетті.

Клуб өз қызметін әртүрлі форматтағы отырыстар: дөңгелек үстелдер, кездесулер, пікірталастар және өзара әрекеттесудің басқа да нысандары арқылы жүзеге асырады.
Клуб отырыстарын қажетіне қарай, бірақ жылына кемінде екі рет Жас сайлаушылар клубының төрағасы шақырады және өткізеді.
Жас сайлаушылар клубының жұмысына, кеңсесін басқаруға және жиналысқа дайындықты ұйымдастыруға жауапты жұмыс органы Жас сайлаушылар клубы болып табылады.

1) отырыстарды дайындау және өткізу бойынша ұйымдастыру жұмыстарын жүргізеді;

2) Клуб қатысушыларын кезекті отырыстың өтетін күні мен күн тәртібі туралы оны өткізуден кемінде бес жұмыс күні бұрын хабардар етеді;

3) Клуб отырысы барысында, оның ішінде фото-, аудио-, бейнежазба құралдарын пайдалана отырып хаттама жүргізеді;

4) Клуб отырысы туралы ақпаратты және басқа материалдарды әлеуметтік желілерде орналастыруға құқылы.