Ағымдағы жылғы 15 қыркүйекте Павлодар облысы бойынша тексеру комиссиясы ұжымының тексеру комиссияларының құрылғанына 10 жыл толуына арналған салтанатты жиналысы өтті. Іс-шараға облыстық мәслихат хатшысы Е.Н. Әйткенов, тексеру комиссиясының ардагерлері және еңбек ұжымы қатысты.
Тексеру комиссиясы төрағасының м.а. Мәулен Адырбайұлы Үйсінбаев салтанатты сөз сөйлеп, тексеру комиссиясының соңғы 10 жылдағы маңызды жетістіктері туралы айта отырып, барлық қызметкерлерге жемісті жұмысы үшін алғысын білдірді.
Тексеру комиссияларының құрылғанына 10 жыл толуына орай бірқатар қызметкерлер облыс әкімінің Құрмет грамоталарымен және алғыс хаттарымен, облыстық мәслихаттың және Қазақстан Республикасы Мемлекеттік қызмет істері агенттігінің Павлодар облысы бойынша департаментінің алғыс хаттарымен марапатталды. Тексеру комиссиясының ардагерлері де басшылық атынан алғыс хаттармен марапатталды.
Бұдан басқа, бұл күні «Павлодар облысы бойынша тексеру комиссиясы» ММ жаңадан қабылданған мемлекеттік қызметшімен Қазақстан Республикасының мемлекеттік әкімшілік қызметшісінің Салтанатты ант қабылданды. Антты құқықтық және ұйымдастыру жұмысы бөлімінің бас маманы Баянсұлу Мейрамбекқызы сынақ мерзімінен сәтті өткеннен кейін қабылдады. Барлық жауапкершілікті түсіне отыра, Баянсұлу Мейрамбекқызы еліміздің Конституциясы мен заңнамасын сақтауға ант берді. Тексеру комиссиясының мүшелері мен қонақтар жаңадан қабылданған мемлекеттік қызметшіні құттықтап, жұмысына табыс тіледі.