2023 жылғы 19 сәуірде Павлодар облысы бойынша тексеру комиссиясының отырысында қарттар мен мүгедектерге жекелеген арнаулы әлеуметтік қызметтер көрсетудің тиімділігіне жүргізілген мемлекеттік аудиттің қорытындылары мемлекеттік аудит объектілері басшыларының, сондай-ақ Павлодар облысы мәслихаты депутатының, «AMANAT» партиясы Павлодар облыстық филиалының өкілдерінің қатысуымен қаралды.
Мемлекеттік аудит нәтижелері жөніндегі ақпаратпен тексеру комиссиясының мүшесі Ж. Шейхислам сөз сөйледі.
Мемлекеттік аудитпен 4 объект қамтылды. Мемлекеттік аудитпен қамтылған бюджет қаражатының көлемі 7 390 916,6 мың теңгені құрады.
1) бюджет қаражаты мен активтерін пайдалану кезінде бюджет заңнамасының және өзге де заңнаманың бұзылуы - 3 070,9 мың теңге;
2) бухгалтерлік есепті жүргізу және қаржылық есептілікті жасау кезінде заңнаманың бұзылуы - 16 086,6 мың теңге;
3) бюджетке түскен кезде - 84,7 мың теңге.
Қаржылық бұзушылықтардың жалпы сомасынан өтелуге (қалпына келтіруге) жатады:
бюджетке өтеуге жататыны - 3155,6 мың теңге;
қалпына келтіруге жататыны – 16 086,6 мың теңге.
Сондай-ақ, жалпы сомасы 597,9 мың теңгеге бюджеттің тікелей (жанама) шығындары анықталды.
Саны 35 бірлік рәсімдік сипаттағы бұзушылықтар анықталды.
Аудит барысында және одан кейінгі шаралармен мемлекеттік аудит объектілерімен өтелді - 885,6 мың теңге, қалпына келтірілді – 16 074,5 мың теңге.
Өтеуге арналған соманың қалдығы – 2270,0 мың теңге, қалпына келтіруге – 12,1 мың теңге.
Отырыс қорытындысы бойынша тексеру комиссиясының қаулысымен Аудиторлық қорытынды бекітілді, аудит объектілеріне Қазақстан Республикасы заңнамасының анықталған бұзушылықтарын және (немесе) оларға итермелейтін себептерді (жағдайларды) жою туралы нұсқамалар жіберілді.