Мемлекеттік қызметшілер ант қабылдады

Қазақстан Республикасының Конституциясы күні қарсаңында Павлодар қаласы әкімі аппаратында ант қабылдау рәсімі өтті. Мемлекеттік қызметке алғаш рет қабылданған мемлекеттік қызметшілер, «Павлодар қаласы тұрғын үй инспекция және коммуналдық шаруашылық бөлімі» мемлекеттік мекемесінің бас мамандары Омаров Ардақ Қазбекұлы және Ахметов Дархан Бердіқұлұлы салтанатты түрде Қазақстан Республикасы әкімшілік мемлекеттік қызметшісінің антын қабылдады.

Мемлекеттік қызмет табалдырығын аттаған мамандар Отанға адал болып, мемлекет мүддесі үшін еңбек етіп, кәсіби қызмет көрсетуге серт берді. Мемлекеттік қызметшілердің ант қабылдау рәсіміне қаланың дамып өркендеуіне үлес қосқан, осы қызметтің сала ардагерлері де әріптестерін құттықтап, жауапты міндеттеріне сәттілік тіледі.