Пресс-релиз

17.05.2022 жылы Павлодар қаласы учаскелік референдум комиссияларының хатшыларымен «2022 жылдың 05 маусымына тағайындалған республикалық референдумды ұйымдастыру және өткізу» тақырыбында семинар-кеңес өтті. Павлодар қалалық аумақтық референдум комиссиясының хатшысы Лариса Ивановна Кузьменкова сөз сөйледі. Ол референдум учаскелерін жабдықтау ережелерімен, құжаттама ережелерімен, сондай-ақ сайлаушылар тізімімен жұмыс істеу ережелерімен таныстырды. Мүгедектігі бар адамдарға дауыс беру үшін жағдай жасау жұмыстарын жүргізу қажеттігін атап өтті.

Сондай-ақ, Павлодар облыстық аумақтық референдум комиссиясының хатшысы Абдумомунова Дина Серікқызы сөз сөйледі. Ол дауыс беру құқығын беретін есептен шығару куәліктерін беру қағидаларын, азаматтардың, қоғамдық ұйымдардың өтініштерін қарау қағидаларын, республикалық референдумға арналған құжаттардың нысандары туралы түсіндірді. 120 учаскеде референдум комиссияларының мүшелеріне e-gov порталы арқылы азаматтарды тіркеу орны туралы, сондай-ақ қашықтықтан оқыту және «республикалық референдум туралы» Конституциялық заңды білуге тестілеу өткізу туралы ақпаратқа қол жеткізу ұйымдастырылатынын атап өтті.