«Ақпараттық технологиялар колледжі» ШЖҚ КМК (№23 УСК) жас сайлаушылар күнін ұйымдастыру және өткізу

2022 жылға арналған жастарды электоралды-құқықтық ағартудың Павлодар ҚАСК жоспарына сәйкес колледжде іс-шаралар өткізілді.

2022 жылдың 1 ақпанында колледжде №23 УСК өкілдері Жаслан Масгұтұлы Сыздықов және Айгүл Әутәліпқызы Ілиясовамен кездесу өтті және топтарда «Сенің сайлау құқығың» тақырыбында тақырыптық сынып сағаттары өткізілді.  

Өз сөзінде олар сайлау дегеніміз не, сайлауда дауыс беруге құқығы бар адамдар, дауыс беру рәсімі қалай өтіп жатқанын, сайлауда қалыптасқан өмірлік жағдайлардың бірнеше мысалын келтірді.

Студенттер Қазақстан Республикасындағы сайлауды өткізудің нормативтік-құқықтық негізімен, сайлауды өткізу қағидаларымен танысты, сайлау құқығы бойынша өз білімдерін бекітті, сайлау процесінің қандай кезеңдері болатынын білді және сайлау комиссияларының жүйесімен танысты.

Соңында Қазақстан Республикасының саяси жүйесі туралы бейнеролик көрсетілді.

Қатысушылар Қазақстан Республикасының жауапты азаматы болуға ұмтылған жастарға осындай маңызды іс-шаралар өте қажет екенін айтып, өкілдеріне алғыстарын білдірді.