Байсуфинов Талғат Маруанұлы - (04.09.1968 ж.т.)

1968 жылы 4 қыркүйекте Павлодар қаласында дүниеге келген.

Павлодар футболының тәрбиеленушісі. Павлодар футбол клубы үшін 180 матч өткізіп, 26 гол соқты (оның ішінде Қазақстан чемпионаттарында 110 ойын және 17 гол). «Металлург» (Ақсу), «Экибастузец» (Екібастұз), «Восток» (Өскемен) командалары үшін өнер көрсетті.

2009 жылы «Жиро» курстарының «А»санатына жаттықтырушы лицензиясын алу бойынша сессиядан өтті.

2011 жылдың 18 қарашасында УЕФА-ның «Jira» бағдарламасы бойынша білім алған Байсуфинов жоғары дивизион командаларымен және Ұлттық құрамалармен жұмыс істеуге құқық беретін «PRO» лицензиясын алды.

2016-2017 жылдары футболдан 2018 жылғы Әлем чемпионатына іріктеу матчтарын өткізген кезде Қазақстан құрамасын жаттықтырды.

2020 жылдың 14 желтоқсанында Қазақстан құрамасының бас бапкері болып тағайындалды.