Зәуреш Қуантайқызы Мұқашева - (25.02.1957 ж.т.)

Павлодар облысының тумасы. Білімі жоғары, 1980 жылы Павлодар педагогикалық институтын орыс тілі мен әдебиеті пәнінің мұғалімі мамандығы бойынша бітірген. Еңбек жолын Павлодар облысының Коряков негізгі мектебінде бастады.

40 жылға жуық еңбек өтілі бар З.К. Мұқашева білім берудің барлық сатыларынан өтті: балабақша тәрбиешісі, қалалық білім бөлімінің маманы, мектеп директоры, Павлодар қаласының білім беру бөлімінің басшысы. Қаланың білім беру жүйесін басқару кезеңінде 2010 жылдан бастап 2016 жылға дейін білім беру инфрақұрылымы 115 мекемеден 133 мекемеге дейін ұлғайтылды. Мектепке дейінгі мекемелер желісі 20 нысанға ұлғайтылды, оның ішінде 18-і қалпына келтірілді, 2-і салынды. Қаланың 20 мектебінде шағын орталықтар ашылды, бұл мектеп оқушылары үшін 5000-нан астам орын ашуға және 3-тен 6 жасқа дейінгі балаларды 100% қамтуға мүмкіндік берді. З.К. Мұқашева заманауи ақпараттық технологияларды енгізуге көп көңіл бөлді. Қала мектептерінде компьютерлік техникамен жабдықтау 1 компьютерге 20,3-тен 6,5 адамға дейін төмендеді. Облыстың қалалары мен аудандары арасындағы жыл сайынғы рейтингтің қорытындысы бойынша З.К. Мұқашева басшылық еткен уақытта білім беру жүйесі жыл сайын жетекші орынға ие болды.

2016 жылдан бастап Мұқашева Зәуреш Павлодар қалалық мәслихатының 6 шақырылымының депутаты болып сайланды. Павлодар қалалық мәслихатының хатшысы лауазымында. Депутаттық корпуспен бірлесіп мемлекеттік бағдарламаларды іске асыруға, сондай-ақ халықты жұмыспен қамтуды ұйымдастыруға, халықтың әлеуметтік осал топтарын әлеуметтік қолдауға белсенді қатысады.

Марапаттары: «Ерен еңбегі үшін» медалі, «Қазақстан Тәуелсіздігіне 20 жыл» медалі, «Астанаға 20 жыл» медалі, «Павлодар облысына 75 жыл» медалі, «ҚР Білім беру ісінің құрметті қызметкері» төсбелгісі, «Облысқа сіңірген еңбегі үшін» төсбелгісі.