Төлеуғазы Тоқылұлы Тоқтағанов - (08.02.1947 ж.т.)

Семей облысының тумасы. Білімі жоғары. 1969 жылы Павлодар педагогикалық институтын, 1975 жылы кандидаттық диссертациясын мерзімінен бұрын қорғауымен Мәскеу автомеханикалық институтын бітірді. Институтты бітіргеннен кейін 1969-1972 жылдары Т. Тоқтағанов Павлодар индустриялық институтының "Автомобильдер және тракторлар" кафедрасының ассистенті, аға оқытушысы, доценті болып жұмыс істеді. 1976 жылдың маусымында оған техника ғылымдарының кандидаты ғылыми дәрежесі берілді.

1980 жылы КСРО ЖАК доцент ғылыми атағы берілді. 1991 жылдан бастап С. Торайғыров атындағы Павлодар мемлекеттік университетінің профессоры. 1987 жылдан 2001 жылға дейін факультет деканы, машина жасау бойынша оқу-өндірістік кешен, машина жасау және құрылыс институты, техникалық кешен директоры болып жұмыс істеді. 2001-2003 жж. "Көліктік машина жасау" кафедрасының меңгерушісі болды. 2003 жылдан бастап қазіргі уақытқа дейін-металлургия факультетінің деканы.  2013 жылдан – Қазақстан Республикасы машина жасау және көлік Ұлттық Ғылым академиясының тілші-мүшесі. Төлеуғазы Тоқылұлының белсенді қатысуымен 1980 жылы Павлодар индустриялық институтында республика бойынша алғашқы салалық ғылыми-зерттеу зертханасы құрылды. 2003-2005 жылы Қазақстанның машина жасау кешенін дамыту бағдарламасын әзірлеуге қатысты.

Марапаттары: "Қазақстан Республикасының Білім беру ісінің құрметті қызметкері" төсбелгісі, "Облыс алдында сіңірген еңбегі үшін" төсбелгісі, "Еңбек ерлігі үшін" медалі, "Жұмыстағы үздік жетістіктері үшін" төсбелгісі, мерейтойлық және салалық медальдар.