Аманжол Шәмкенұлы Шәмкенов - (1927-2004 жж.)

Павлодар облысының тумасы. Білімі жоғары. Қазақ жазушысы, ақын, драматург, Қазақстан Республикасының Халық жазушысы. 1950 жылы Киров ат. Қазақ мемлекеттік университетін бітірді. Әдебиетте 1950 жылдан бастап. Әдебиетте алғашқы қадамдарын Лебяжі аудандық газетінің тілші ретінде бастады. Алматыда "Әдебиет және өнер" журналының бөлім меңгерушісі, жауапты хатшысы, Қазтелерадиода жұмыс істеді. 1961 жылдан - "Жазушы" баспасының бөлім меңгерушісі, 1971 жылдан-Қазақстан Жазушылар одағы басқармасының көркем әдебиетті насихаттау жөніндегі бюро директоры. Аманжол Шәмкенов "Зеленый жайлау" (1954 ж.), "Дыхание степи" (1960), "Дети Иртыша" (1966), "Избранные стихи" (1987), театрға арналған пьесалар: "Найду себя", "История одной любви", "Ты не одинок". А. Шәмкеновтың бірқатар шығармалары ТМД халықтарының тілдеріне аударылған. Ол А. Пушкин, М. Лермонтов, Г. Гейне, С. Есениннің өлеңдерін қазақ тіліне аударды.

Марапаттары: ҚазССР Жоғарғы Кеңесінің Құрмет грамотасы, Д. Неру халықаралық сыйлықтың лауреаты.