Демесінов Хатип Хабиұлы - (1924-2003 ж.ж.)

Павлодар облысының тумасы. Білімі жоғары. Одақтық маңызы бар дербес зейнеткер, бұрынғы саяси қайраткер.

Павлодар облысының әртүрлі аудандарында партия, комсомол, кәсіподақ ұйымдарында жұмыс істеді. 1972 жылы облыстық партия комитетінің нұсқаушысы болып ауыстырылды, содан кейін екінші хатшы болып тағайындалды.  Хатип Хабиұлы түрлі деңгейдегі кеңестердің депутаты болып сайланды.

1981 жылдың ақпан айынан 1986 жылға дейін Х. Х. Демесінов Қазақ КСР Жоғарғы Кеңесі Президиумының хатшысы болып жұмыс істеді.

Хатип Демесінов зейнет жасына жеткен соң, Казсовпроф аппаратында, Павлодар қалалық Әкімшілігі Басшысының кеңесшісі, қалалық соғыс және еңбек ардагерлері кеңесінің төрағасы қызметін жалғастырды.

Марапаттары: Екі “Құрмет Белгісі” ордені, үш Еңбек Қызыл Ту ордені, “Халықтар Достығы” ордені, медальдар және т. б.