Жетекші ауылы әкіміне кандидаттарды тіркеу қорытындылары туралы

2021 жылғы 25 тамызда Павлодар қалалық аумақтық сайлау комиссиясының отырысы өтті, онда «Павлодар қаласы Жетекші ауылы әкімдігіне кандидаттарды тіркеу қорытындылары туралы» қаулы қабылданды.

Отырыста комиссия төрағасы З. Қ. Мұқашева 2021 жылғы 25 тамызда сағат 18-00 – дегі жағдай бойынша ұсынылған 4 кандидаттың 4 тіркелгені туралы хабарлады, оның ішінде: Nur Otan партиясынан - 1, өзін-өзі ұсынғандар - 3.

4 кандидаттардың ішінде әйелдер жоқ. Кандидаттардың орташа жасы - 37 жас. Ең үлкен үміткер - 45 жаста, ең жас - 30 жаста.

Мамандықтары бойынша кандидаттар: стандарттау, метрология және сертификаттау – 1, мемлекеттік жергілікті басқару – 1, мұғалім - 2, оның ішінде бір экономист.

Кандидаттар арасында: 2 - мемлекеттік қызметшілер, 2 - мемлекеттік ұйымдардың қызметкерлері.

25 тамыз күні сағат 18-00-ден бастап Жетекші ауылы әкіміне тіркелген барлық кандидаттар 2021 жылғы 4 қыркүйек күні сағат 00:00-ге дейін жалғасатын сайлау алдындағы үгітті бастауға құқылы.

ҚР Орталық сайлау комиссиясының қаулысына сәйкес кандидаттар үшін БАҚ өз бағдарламаларымен сөз сөйлеу үшін қаражат бөлу көзделген: теледидарда - 15 минут, радиода - 10 минут, мерзімді баспасөз басылымдарда екі мақаланы жариялау үшін - 0,1 баспа парағынан артық емес. Барлық кандидаттарға заңнамада үгіт жұмыстарын жүргізу үшін тең жағдайларға кепілдік беріледі.