Жетекші ауылында әкім сайлауын ұйымдастыру және өткізу туралы ақпарат

Ағымдағы жылдың 12 шілдесінен бастап Жетекші ауылы әкімінің өкілеттігі мерзімінен бұрын тоқтатылды, осыған байланысты Павлодар қалалық аумақтық сайлау комиссиясы 6 тамыздағы № 8 қаулымен Жетекші ауылында әкім сайлауын 2021 жылғы 5 қыркүйекке тағайындады. 6 тамыздан бастап 4 қыркүйекке дейін сайлау рәсімдері өтеді, оның ішінде 7 тамыздан бастап 20 тамызға дейін әкімдікке кандидаттарды ұсыну, 25 тамызға дейін кандидаттарды тіркеу, тіркелгеннен кейін 9 күн ішінде 3 қыркүйекке дейін кандидаттар халық арасында сайлау алдындағы үгітті жүргізеді. 16 тамыздан бастап Жетекші сайлау округінің № 134 сайлау учаскесіндегі учаскелік сайлау комиссиясы сайлаушылар тізімін салыстыра отырып өз жұмысын бастайды, құрамында 7 мүшесі бар.

Аумақтық сайлау комиссиясының мүшелері сайлау процесінің барлық қатысушыларымен «ҚР сайлау туралы» заңды сақтау мәселелері бойынша консультациялар, семинарлар өткізеді.