Қылмыстық құқық бұзушылықтарды және басқа да заң бұзушылықтарды жасауға ықпал еткен мән-жайларды жою туралы

Ағымдағы жылғы сәуірде Павлодар қаласының әкімдігі, Павлодар облысы бойынша сыбайлас жемқорлыққа қарсы іс-қимыл департаментінің (Сыбайлас жемқорлыққа қарсы қызметтің) қылмыстық құқық бұзушылықтарды және басқа да заң бұзушылықтарды жасауға ықпал еткен мән-жайларды жою туралы ұсынысын қарады. Аталған кеңеске Павлодар қаласы әкімдігінің, Павлодар қаласының тұрғын үй-коммуналдық шаруашылық, жолаушылар көлігі және автомобиль жолдары бөлімінің лауазымды тұлғалары, Павлодар облысы бойынша сыбайлас жемқорлыққа қарсы іс-қимыл департаментінің (Сыбайлас жемқорлыққа қарсы қызмет) қызметкерлері қатысты.

Қарау қорытындысы бойынша Бөлім Қазақстан Республикасының 2015 – 2025 жылдарға арналған сыбайлас жемқорлыққа қарсы стратегиясын іске асыру бойынша 2021 жылға арналған іс-шаралар жоспарын әзірледі, оған сыбайлас жемқорлыққа қарсы стандарттардың сақталу мониторингі, сыбайлас жемқорлық тәуекелдеріне ішкі талдау, қызметкерлер арасында сыбайлас жемқорлыққа қарсы іс-қимыл бойынша түсіндіру жұмыстарын жүргізу, сыбайлас жемқорлыққа қарсы мінез-құлық моделін қалыптастыру бойынша ақпараттық жұмыс кіреді.

Павлодар облысы бойынша Сыбайлас жемқорлыққа қарсы іс-қимыл департаментінің (Сыбайлас жемқорлыққа қарсы қызметтің) ұсынымдары бойынша сыбайлас жемқорлыққа қарсы күрес саласындағы заңнамалық актілердің нормаларын зерделеу бойынша құқықтық жалпы оқытуды өткізумен жұмыс жүргізілді.