Страницы

Статья

«Павлодар қаласы экономика және қаржы бөлімі» ММ 2023 жылғы мемлекеттік қызметтер көрсету саласындағы қызмет есебін жария талқылау туралы хаттама № 1

Павлодар қаласы		2024 жылғы 29 наурыз
Өткізу уақыты: Өткізу орны:		10.00 часов Павлодар қаласы, Қайрбаева көшесі, 32
Төрағалық етті:		«Павлодар қаласының экономика және қаржы бөлімі» ММ-нің басшысы Қ.Б. Қапуов

Қатысқандар:		Павлодар қаласы бөлімінің, "Отбасы Банк" ТҚЖБ АҚ өкілдері мемлекеттік қызмет көрсетуге жауапты мамандар, бұқаралық ақпарат құралдарының өкілдері, көрсетілетін қызметті алушылар.

Күн тәртібі

"Павлодар қаласының экономика және қаржы бөлімі" ММ 2023 жылғы бойынша мемлекеттік қызмет көрсету саласындағы қызмет есебін жария талқылау.

"Павлодар қаласының экономика және қаржы бөлімі" ММ басшысы Қ. Б. Капуов есепті жария талқылауды ашты, ол 2013 жылғы 15 сәуірдегі "Мемлекеттік көрсетілетін қызметтер туралы" Қазақстан Республикасы Заңының 23-бабының 6-тармағына сәйкес аудандардың жергілікті атқарушы органдары, ауылдық округтердің әкімдері көрсетілетін қызметті берушілердің, мүдделі жеке және заңды тұлғалардың қатысуымен мемлекеттік қызметтер көрсету саласында жылына кемінде бір рет қызмет туралы есептерді жария талқылауды жүргізетінін түсіндірді.

Мемлекеттік қызметтер көрсету саласындағы қызмет туралы есептерді жария талқылауды жүргізу жетекшілік ететін салада мемлекеттік қызметтер көрсету мәселелерін реттейтін жергілікті атқарушы органдар қабылдаған және жоспарлаған іс-шаралар туралы халықты хабардар етуге бағытталған.

Күн тәртібіндегі мәселе бойынша әлеуметтік–экономикалық даму секторының бас маманы Р.Ұ. Амантаева сөз сөйлеп, барлық қатысушыларды 2023 жылдың 12 айы ішінде мемлекеттік қызмет көрсету бойынша "Павлодар қаласының экономика және қаржы бөлімі" мемлекеттік мекемесінің жұмысы туралы ақпаратпен таныстырды.

Есепті жария талқылау барысында бөлім мемлекеттік қызмет «Ауылдық елдi мекендерге жұмыс iстеуге және тұруға келген денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсіптік кешен саласындағы мамандарға, ауылдар, кенттер, ауылдық округтер әкімдері аппараттарының мемлекеттік қызметшілеріне әлеуметтiк қолдау шараларын ұсыну қағидаларын бекіту туралы» Қазақстан Республикасы Ұлттық экономика министрінің 2014 жылғы 6 қарашадағы № 72 бұйрығына қатаң сәйкес көрсетілетінін атап өтті. 2023 жылдың 12 айы ішінде көрсетілетін қызметті алушылар тарапынан шағымдар жоқ. Есепті кезеңде мемлекеттік қызметтерді көрсету мерзімдерін бұзу болған жоқ.

Жария талқылау соңында Павлодар қаласының экономика және қаржы бөлімінің басшысы қатысушыларға мемлекеттік қызметтер көрсетуге және олардың сапасын арттыруға қатысты өздерінде бар мәселелер мен ұсыныстар туралы сұрақпен жүгінді.

"Отбасы Банкі "ҚТҚЖБ" АҚ жетекші маманы А. Б. Асипова портал арқылы электрондық түрде мемлекеттік қызметтерді алу мүмкіндігі туралы халық арасында түсіндіру жұмыстарын жүргізу туралы ұсыныс жасады https://cabinetmio.otbasybank.kz

Мемлекеттік қызмет алушылар бюджеттік кредит беру мерзімі, мерзімінен бұрын өтеу мүмкіндігі, құжаттарды қайта тапсыру, көтерме жәрдемақы мен бюджеттік кредит алу кезектілігі туралы сұрақтар қойды.

Барлық қойылған сұрақтарға толық түсіндірмемен жауаптар берілді. Көрсетілетін қызметті алушылар мен мүдделі тұлғалардан мемлекеттік қызмет көрсету бойынша көбірек сұрақтар мен ұсыныстар түскен жоқ.

Жария талқылау қорытындысы бойынша және мемлекеттік қызмет көрсету сапасын арттыру мақсатында мыналар ұсынылды:

1. Халыққа уақтылы және сапалы мемлекеттік қызмет көрсету;

2. Ақпараттық жүйелерге мемлекеттік қызметтер көрсету сатысы туралы деректердің уақтылы енгізілуіне тұрақты негізде мониторинг жүргізу;

3. Көрсетілетін қызметті алушылармен мемлекеттік қызметтер көрсету мәселелері бойынша, сондай-ақ мемлекеттік қызметтерді электрондық түрде алу мүмкіндігі туралы түсіндіру іс-шараларын тұрақты негізде жүргізу;

4. Мемлекеттік қызмет көрсету саласындағы заңнаманы зерделеу жөніндегі бөлім ұжымымен тұрақты негізде жалпыға бірдей құқықтық оқыту жүргізу;

5. Мемлекеттік қызмет көрсету саласындағы мамандардың біліктілігін уақтылы арттыру.

Төраға