Павлодар қаласының әкімі Қ. Т. Нүкеновтың есеп беру тезистері

2019 жылғы қаңтар – қараша айларында өнеркәсіп кәсіпорындарымен 730 млрд.теңгеге өнім өндірілді, нақты көлем индексі (НКИ) өткен жылдың сәйкес кезеңіне 100,6%-ды құрады.

Жалпы, 2019 жылғы қаңтар – қараша айларында негізгі капиталға салынған инвестиция көлемі 94,7 млрд.теңгені құрады, НКИ 101,5%.

Инвестициялардың негізгі үлесі кәсіпорындардың меншікті қаражатына - 64,8%, бюджет қаражатына – 24,9%, қарыз қаражатына – 10,3% келеді.

«Павлодар» АЭА аумағына инвесторларды тарту бойынша жұмыс жалғасуда.

Қазіргі уақытта АЭА аумағында 12 кәсіпорын жұмыс істейді, («Каустик» АҚ, «БО-НА» ЖШС, «УПНК-ПВ» ЖШС, «Агрохимпрогресс» ЖШС, «Evooil Kazakhstan» ЖШС, «Giessenhaus» ЖШС, «Вектор Павлодар» ЖШС, «Металлогамма» ЖШС, «Ляйхстметалл» ЖШС, «RTF PVL» ЖШС, «RTF PVL» ЖШС, «СПЕЦПРОМСЕРВИС» ЖШС).

Жалпы, АЭА-ның әрекет ету кезеңінде әрекет ететін қатысушылар 110 млрд.теңгеге өнім шығарды, оның ішінде 42 млрд. теңге экспортқа, 1 670 жұмыс орны ашылды, қолданыстағы жобалар бойынша инвестициялар көлемі 76 млрд. теңгені құрады.

Бюджеттік инвестициялардың жеке инвестицияларға арақатынасы: мемлекеттік бюджеттен 12,5 теңгеге 1 теңгені құрайды.

Қазіргі уақытта АЭА инвестициялық қоржыны екі мыңнан астам жұмыс орнын ашумен жалпы сомасы 285 млрд.теңгеге 38 жобаны құрайды, оның ішінде 17,9 млрд. теңге инвестиция көлемі бар 8 жобаны 2020 жылы іске асыру сатысында.

Шағын және орта кәсіпкерлік

Бөлшек сауда көлемі 234,1 млрд.теңгені немесе 101,1%-ды құрады.

2019 жылғы қарашада барлық тауарлар мен қызметтерге инфляция деңгейі 2018 жылғы желтоқсанға қарағанда 104,7%-ды құрады.

Жалпы жыл бойынша инфляция деңгейі жоспарланған дәліз шегінде – 104,0-106,0% күтілуде.

Қаланың тұтыну нарығында бағаның негізсіз өсуіне жол бермеу және тұрақтандыру үшін 19 негізгі атау бойынша әлеуметтік маңызы бар азық-түлік тауарларына күнделікті мониторинг жүргізіледі, 24 «Әлеуметтік» дүкен жұмыс істейді, халықты ауыл шаруашылығы өнімдерімен қамтамасыз ету үшін жеткізушілерден тікелей апта сайынғы негізде ауыл шаруашылығы жәрмеңкесі өткізіледі. Бүгінгі күні 10 павильон орнатылған «Үйдегі дүкен» жобасын іске асыру жалғасуда.

 Ауыл шаруашылығы

Павлодар қаласы және ауылдық аймақ бойынша ауыл шаруашылығының жалпы шығарылым (қызмет) көлемі 11,9 млрд.теңгені құрады, НКИ – 117,1%.

Агроөнеркәсіптік кешенді дамыту бағдарламасы шеңберінде ағымдағы жылы 1 млрд. теңгеден астам сомаға 5 жоба жүзеге асырылды.

Құрылыс

Құрылыс саласында 2019 жылғы қаңтар – қараша айларында құрылыс жұмыстарының көлемі 55,3 млрд.теңгені құрады, НКИ – 115,6%.

Есепті кезеңде барлық қаржыландыру көздері есебінен 141,5 мың шаршы метр тұрғын үй пайдалануға берілді, НКИ – 111,2%.

Бюджет қаражаты есебінен «Сарыарқа» шағын ауданында           № 15, 25, 27, 30, 9 тұрғын үйлер пайдалануға берілді Әуежай ауданындағы «1-тип» типтік үйлердің жалпы ауданы 29,9 мың шаршы метр, Димитров көшесі, 2 бойында 200 орынға арналған жатақхана, ауданы 4,2 мың шаршы метр.

Тағы 7 (№ 11, 19, 20, 24/1, 24/2, 29, 31) көпқабатты тұрғын үйдің құрылысы жүргізілуде, жалпы алаңы 45,5 мың ш.м., «Әуеқалашық» ш.а. - 46 үй (46 учаске, 55 пәтер) – 7,8 мың ш. м.

Жеке инвестициялар есебінен енгізілді:

- жалпы ауданы 43,9 мың ш. м. үш тұрғын үй;

- «Garden Park» көпфункционалды тұрғын үй - қонақ үй кешені, алаңы 3,2 мың ш. м.;

- қонақ үй ғимаратын жатақханасына қайта жаңарту және қайта жабдықтау жүргізілді (4,7 мың ш.м.).

 2020 жылы іске қосылған жалпы ауданы 24,8 мың ш.м. тағы екі үйдің құрылысы жалғасуда («Павлодарэнерго» АҚ және «Қазақстан алюминийі» АҚ).

Ағымдағы жылы іске қосылды:

- «Сарыарқа» және «Достық» шағын аудандарындағы инженерлік – коммуникациялық инфрақұрылым нысандары, сондай – ақ Солтүстік өнеркәсіп ауданында жылумен жабдықтау желілері – 13,1 км, электрмен жабдықтау желілері – 57,4 км, сумен жабдықтау - 10,5 км, кәріз - 7,3 км.;

Зеленстрой кентінде ұзындығы 18,3 км және Теміржолшылар кентінде - 18,0 км су құбырының желісі;

- Ленин кентіндегі ұзындығы 8,9 км су құбырының қосымша желілері;

- Павлодар ауылы мен Жетекші ауылындағы ветеринариялық пункттер.

Құрылыс жүргізілуде:

Тұрғын үй-коммуналдық шаруашылық

Тұрақты жылумен, сумен және электрмен жабдықтауды қамтамасыз ету - біздің жұмысымыздың басым бағыттарының бірі.

Қызмет көрсететін ұйымдар 9,2 км жылу желілерін, 8 км астам су құбыры мен кәріз желілерін, 44 км электр желілерін күрделі жөндеуден өткізді.

Киров көшесінен бастап қалалық тазарту имараттарына дейін диаметрі 1500 мм бас кәріздік коллекторды қайта жаңарту бойынша жобаны іске асыру жалғасуда, онда ағымдағы жылы ұзындығы 6118 метр болатын санация жүргізілді, сондай-ақ Ворушин көшесі бойындағы d 800 мм шаруашылық ауыз судың су құбыры.

Тағы екі жобаның жұмысы аяқталды:

- 1 Май көшесі бойындағы D 1200 мм кәріз коллекторын қайта жаңарту;

- 19 реттеуіш жиілікті жетектерін қолданумен, шаруашылық ауыз-су құбырының көтергіш сорғы стансасының сорғы жабдығын қайта жаңарту;

         2020 жылы Центральная көшесі бойында (Айманов көшесі, 29-дан Арғынбаев көшесіне дейін) диаметрі 1000 мм кәріз коллекторын қайта жаңарту жоспарлануда, сондай-ақ тағы үш су құбыры мен үш кәріз коллекторының жобалық-сметалық құжаттамасын әзірлеу жүргізілуде.

Қаланың сумен жабдықтау және су бұру объектілерінде электр энергиясын коммерциялық есепке алудың автоматтандырылған жүйесі (ЭКЕАЖ) енгізілді.

Қала көшелері, жолдар мен тротуарлар 300 мың м² көлемінде 2 млрд.теңге сомасына жөнделді.

Жұмыстар орындалды:

- Назарбаев даңғылын велосипед жолмен орташа жөндеу;

- №20 автожолды ағымдағы жөндеу (Омбы-Майқапшағай а/ж Нефтехим LTD-ға дейін);

- Циолковский көшесін жөндеу (Катаев көшесінен Қамзин көшесіне дейін), Ладожская көшесін (Назарбаев даңғылынан Қамзин көшесіне дейін); И. Байзақов көшесін жөндеу (Теплов көшесінен Гагарин көшесіне дейін), Камская көшесін, Малахов көшесін, Российская көшесін жөндеу, Радиозауытта өтпе жолын орнату;

- Теплов көшесін (ак. Сәтбаев көшесінен «Ертіс Олимпик» бассейніне дейін және Толстой көшесінен М. Горький көшесіне дейін 1 Май көшесі), Айманов көшесін (соңғы аялдамадан «Химқалашық» сақинасына дейін) кеңейту;

- Крупская көшесі бойындағы брусчаткадан тротуар орнату;

- 90 құдық көтеру бойынша, 100 км жол жарығын төгу;

- 2,5 км. зақымдалған борт тастарын ауыстыру бойынша және т. б.

20 мың м² астам алаңдағы қала жолдарына шұңқырларды жөндеу жүргізілді. (Астана, Торайғыров, Сәтбаев, Лермонтов, Ломов, Орталық жол өтпесі, Теплов, Кривенко, Қайырбаев көшелері және т. б.)

39 білім беру объектілеріне және 81 контейнерлік алаңдарға кіре-беріс жолдар мен тротуарларды орнату бойынша жұмыстар орындалды.

Орамішілік аумақтарды жарықтандыру бағдарламасы бойынша, ағымдағы жылы жоспарланған 300 ауланың жарықтандыру тіректерін орнату және жер жұмыстары бойынша жұмыстар аяқталды, электр желілеріне қосылу жүргізілуде.

Айналмалы жолдарды және қаланың жартылай тұйық көшелерін, сондай-ақ Ломов көшесін Варушин көшесінен ЖЭО-1 дейін жарықтандыру бойынша жұмыстар жүргізілді.

Мемлекеттік-жеке меншік әріптестік аясында 12 483 дана жарықдиодты шамдар орнатылды, сыртқы жарықтандыру басқармасының 70 шкафы орнатылды.

Қаланың саябақ аймақтары мен скверлеріне ағымдағы жөндеу жұмыстары жүргізілді.

- Ак. Сәтбаев көшесі бойындағы жаяу жүретін жол аймағы (Торайғыров көшесінен Қайырбаев көшесіне дейін (батыс жағы);

- №3 емхана бойындағы аумақты және Российская көшесі - Украинская көшесі бойындағы Онкологиялық орталықты абаттандыру;

- Б. Ахметов ат. Павлодар педагогикалық колледжі ауданында Астана көшесі бойындағы аллея;

- Қазтрансойл мен Естай ат. ҚМҮ арасындағы аумақ;

- Ген. Дүйсенов көшесі бойындағы сквер;

- орындықтарды, урналарды жөндеу және сырлау, қаланың 34 гүлзары мен саябақтарында брусчаткаларды тегістеу, ауыстыру бойынша жұмыстар.

- Орталық жағалауды жөндеу бойынша жұмыстар, саяжай шағын ауданындағы Ардагерлер аллеясында брусчаткаларды ауыстыру және т. б.

Қаланы көгалдандыру бағдарламасы бойынша 10 мыңға жуық ағаштар мен бұталарды отырғызу, 7 мың ағаштарды санитарлық кесу, 15 мың м2 алаңға гүл отырғызу жұмыстары жүргізілді, сондай - ақ «Эко сағат» республикалық акциясы аясында 75 мың дана жасыл желектер (қарағай-екпе ағаштар) отырғызылды.

Жылжымалы құрамды жаңартуға келер болсақ, соңғы 5 жылда негізгі автотасымалдаушылар 79 жаңа автобус сатып алды, жаңарту 51% – ды құрады.

Ағымдағы жылы №1 - автобус паркіне 30 отандық өндірісті «Анкай» маркалы жаңа заманауи жайлы автобустар және 10 электробус сатып алынды, оның ішінде 20 дизель отынында.

Нәтижесінде автобус парктерінің жаңартылуы артып, 74% - ға жетті.

«Павлодар қаласының трамвай басқармасы» АҚ трамвай паркін жаңарту және жаңғырту жобасы шеңберінде 23 жаңа төмен вагон түсті.  Нәтижесінде, трамвай паркін жаңарту қолда бар вагондар паркінен 9-дан 40% - ға дейін өсті.

Жаңғырту

«Өңірлерді дамыту» бағдарламасы аясында тұрғындардың қайтарымды қаражаты есебінен 70,2 млн.теңге сомасына 9 көпқабатты тұрғын үйге жөндеу жұмыстары аяқталды, тағы 4 тұрғын үйге жөндеу жұмыстары жүргізілуде.

Назарбаев даңғылы, 50 бойындағы көпқабатты үйдің екі лифті ауыстырылды, тағы 10 лифті ауыстыру бойынша сметалық құжаттама әзірленді.

640 тұрғын үйді қамтитын 2215 кіре-берісте 5000 бейнебақылау камерасы орнатылды.

1252 тұрғын үйге 21314 жарықдиодты шамдар орнатылды.

Бюджет

11 ай ішінде қала бюджетіне 49 591,8 млн. теңге меншікті кірістер жұмылдырылған, жоспар бойынша 46 978,1 млн. теңге немесе 105,6%.

2019 жылғы 1 желтоқсандағы жағдай бойынша қала бюджетінің шығыс бөлігі жалпы 99,1% - ға орындалды, есепті кезеңге жоспар                76 466,5 млн.теңге, орындалуы 75 802,6 млн. теңгені құрады.

2019 жылға арналған Павлодар қалалық бюджетінің көлемі жалпы 87 286,0 млн. теңгені құрады. Бюджеттің жалпы көлеміндегі трансферттердің үлес салмағы 30,4% - ға немесе 26 512,4 млн. теңгеге тең.

Әлеуметтік сала

Қала бюджеті бұрынғыдай өзінің әлеуметтік бағытын сақтап қалады.

Есепті кезеңде 2,9 млрд.теңге сомасына 43,5 мың азамат әлеуметтік қолдауға ие болды.

2019 жылдың 1 сәуірінен бастап аз қамтылған, көп балалы отбасыларды әлеуметтік қолдауға бағытталған жаңартылған атаулы әлеуметтік көмек енгізілді.

Мемлекеттік атаулы әлеуметтік көмек 1,7 млрд.теңгеден астам сомаға 3531 отбасына (14836 азаматқа) тағайындалып, төленді.

Атаулы әлеуметтік көмек алушылар 998 көп балалы отбасы немесе жалпы көп балалы отбасылардың 57,8% (қала бойынша барлығы – 1725 көп балалы отбасы) болды.

- мыңнан астам (1032) аз қамтылған отбасыларға 21,9 млн. теңге сомасында тұрғын үй көмегі төленді;

- «Жергілікті өкілетті органдардың шешімі бойынша азаматтардың жекелеген санаттарына әлеуметтік көмек» бағдарламасы аясында 21 мыңнан астам азамат қамтылды, 328,9 млн. теңгеге қызмет көрсетілді;

- мүгедектерді әлеуметтік қолдауға 531 млн. теңге бағытталды (1910 азаматқа міндетті гигиеналық құралдар берілді, 289 азаматқа ымдау тілі маманы, 895 мүгедек жеке көмекші қызметтері ұсынылды, 588 мүгедекке «Инватакси» қызметтері көрсетілді, жалпы сомасы 58,4 млн.теңге).

Ұлы Жеңіс мерекесі қарсаңында 52 ардагерге қалалық бюджеттен әр қайсысына 500 мың теңге көлемінде біржолғы көмек төленді.

7-20-25 ипотекалық бағдарлама бойынша бастапқы тұрғын үй сатып алу үшін 37 үміткерге бюджеттік несие түрінде әлеуметтік қолдау ретінде тұрғын үй сертификаттары мақұлданды, 30 млн.теңге бөлінді.

1 сәуірден бастап көп балалы және аз қамтылған отбасыларды әлеуметтік қолдаудың қосымша шаралары қабылданды:

- қалалық қоғамдық көлікте 7 жастан бастап мектепті аяқтағанға дейін көп балалы отбасылардан шыққан 3779 балаға тегін жол жүру қамтамасыз етілді;

- 2018 жылғы 1 қаңтардан бастап арнаулы мемлекеттік жәрдемақы алмайтын көп балалы ата-аналардың бірінің тегін жол жүруі;

- көп балалы және аз қамтылған отбасылардан шыққан 1160 балаға арналған балабақшаларда тамақтануға 100% жеңілдік берілді.

Сонымен қатар, 2019 жылдың 1 қаңтарынан бастап жоғары оқу орындарының, колледждердің күндізгі оқу нысаны бойынша 1200 студенті тегін жол жүру қамтамасыз етілді.

Тұрақты жұмыспен қамту қамтамасыз етілген. Жұмыссыздық деңгейі өткен жылдың деңгейіне қарағанда 0,1% - ға төмендеп, 4,8% -ды құрады.

Есепті кезеңде жұмыспен қамтуға жәрдемдесудің барлық шараларымен 11 мыңнан астам адам қамтылды, 8 мыңға жуық адам жұмысқа орналастырылды, оның ішінде тұрақты жұмыс орындарына – 7680 адам. 

Өтініш берген азаматтарды жұмысқа орналастыру деңгейі 73,2%-ды құрады.

Жүйелі шаралардың арқасында есепті кезеңде 3129 жаңа жұмыс орны құрылды, оның 2780-і немесе 89% - ы тұрақты.

Қажетті жұмысшы мамандықтар бойынша кәсіби даярлау және қайта даярлауға – 1251 адам жіберілді:

жастар тәжірибесіне жоғары және арнаулы орта оқу орындарының 314 түлегі жіберілді;

қоғамдық жұмыстарға - 676 жұмыссыз;

әлеуметтік жұмыс орындарына – 354 жұмысқа орналастырылды;

мемлекеттік қолдау шаралары оралмандардың 35 отбасына және еңбек күші мол өңірлерден қоныс аударушыларға көрсетілді.

Өнімді жұмыспен қамтуды және жаппай кәсіпкерлікті дамыту бағдарламасының екінші бағыты шеңберінде ағымдағы жылы бағдарламаның 48 қатысушысы 426,4 млн.теңге сомасына шағын несие алды.

506 қатысушыларға жаңа бизнес идеяларды іске асыру үшін тегін гранттар берілді (100 АЕК - дан – 126 грант жұмыссыздар мен өзін-өзі жұмыспен қамтығандар қатарынан қатысушыларға және 200 АЕК-тен - 380 қатысушы, оның ішінде жастар арасынан 237 грант, көп балалы, аз қамтылған, мүгедектер арасынан 143 грант).

«Бастау-Бизнес» жобасы бойынша 435 қатысушы кәсіпкерлік негіздеріне оқытудан өтті, оның ішінде алғаш рет «Жас кәсіпкер» жобасы бойынша 135 жас кәсіпкер оқытылды.

Білім беру

Білім беру жүйесі жыл сайын мектеп оқушылары санының орта есеппен 2 мың оқушыға өсуі байқалады. 

Облыстық пәндік олимпиадада мектеп оқушылары 47 жүлделі орынға ие болып, «Үздік олимпиадалық команда» атағын растады, бұл соңғы үш жылда 2,2 есе артық.

Республикалық пәндік олимпиадада 4 оқушы Облыстың Жеңіс қоржынына екі алтын және екі қола медаль салды.

2019 жылғы ҰБТ-ның орташа балы өткен жылдағыдай облыстық көрсеткіштен жоғары және 89 балды құрайды.

Цифрландыру бойынша перспективалық жобаларды табысты іске асыру үшін қаланың барлық мектептері жоғары жылдамдықты кең жолақты интернетпен (20-дан 65 Мегабит/сек (Мбит/сек) қамтамасыз етілген.

«Sakura – электрондық мектеп» жобасы аясында 1 маусымнан бастап 1 сыныпқа қабылдау үшін балаларды автоматты түрде тіркеу енгізілді.

Мектепке дейінгі білім беру саласында үш жастан балаларды 100% қамту сақталған, бір жастан балаларды қамту көрсеткіші 74% - ға дейін қамтамасыз етілген.

Мемлекеттік-жеке меншік әріптестік шеңберінде жеке меншік мектепке дейінгі мекемелерде мемлекеттік тапсырыс ұлғайды және нәтижесінде 1-ден 3 жасқа дейінгі балаларды қамту екі есеге 4,5 мыңға немесе 40% - ға дейін өсті.

Мектепке дейінгі білім беру саласында ақпан айынан бастап мектепке дейінгі балалар ұйымдарына жіберу үшін мектепке дейінгі жастағы балаларды кезекке қою «Indigo – электрондық балабақша» автоматтандырылған сервисі іске қосылды, сондай-ақ ерте брондау функциясы енгізілді.

Ағымдағы жылы білім беруді қаржыландыру 18,7 млрд. теңгені құрады, оның ішінде күрделі сипаттағы шығыстар 800 млн. теңгеден астам. 

Бұл мыналарды орындауға мүмкіндік берді:

- 298,3 млн.теңге сомасына 14 білім беру ұйымына күрделі жөндеу жұмыстары жүргізілді, соның ішінде №2 мектепте және К. Макпалеев атындағы мектепте 25,8 млн. теңге сомаға спорт алаңдарын жөндеу аяқталды.

- 167,7 млн. теңге сомасына білім беру объектілерінің материалдық-техникалық базасын жаңарту;

- 506,4 млн. теңге сомасына жаңартылған мазмұн бойынша оқулықтар мен оқу-әдістемелік құралдар сатып алу;

- 110 ұйымға 1650 бейнекамералар орнату;

- 19 мектептің санитарлық тораптарын жөндеу;

- 56 ұйымда тіршілікті қамтамасыз ету жүйесін жөндеу (шатыр, жылу, электр, сумен жабдықтау).

2020 жылы «Затон базары» шағын ауданында 350 орынға арналған мектеп және  «Сарыарқа» шағын ауданында 650 орынға арналған мектеп салу жоспарланған.

Сонымен қатар, Жетекші ауылындағы 100 орынға арналған шағын орталығы бар 300 орынға арналған мектеп салуға жобалық-сметалық құжаттама әзірленуде.

Денсаулық сақтау

Қала бойынша денсаулық сақтау жүйесінде 2018 жылдың сәйкес кезеңімен салыстырғанда қан айналымы жүйесі ауруларынан өлім-жітім көрсеткіші 11,9% - ға (100 мың тұрғынға 216,1), қатерлі ісіктен өлім-жітім көрсеткіші 16,4% - ға (100 мың тұрғынға 133,3) төмендегені байқалады, ана өлімі тіркелген жоқ.

Қаланың 5 денсаулық сақтау объектілерінде 1,2 млрд.теңге сомасына 40 бірлік медициналық жабдық сатып алынды және орнатылды (операциялық нейрохирургиялық микроскоп, көп бейінді рентген жүйесі, фиброскан, жаңа туған нәрестелерге арналған инкубатор және т.б.).

МЖӘ шеңберінде облыстық кардиологиялық орталыққа 526 млн.теңгеге ангиографиялық рентген аппараты орнатылды.

45 млн. теңге сомасына орталық жедел медициналық жәрдем станциясының ғимаратына күрделі жөндеу жүргізілді.

200 төсектік облыстық онкологиялық диспансердің құрылысы аяқталды, онда 400-ден астам жоғары білікті маман, сондай-ақ ауысымда 100 келушіге арналған емхана жұмыс істейді. Жобаның құны - 7,2 млрд теңге. Медициналық құрал-жабдықтарды сатып алуға бюджеттен 2,8 млрд теңге бөлінді, тағы 1,8 млрд теңге заманауи желілік жеделдегішті сатып алуға және орнатуға бағытталды.

Мәдениет және спорт

Мәдениет саласында есепті кезеңде мәдени-демалыс жұмысы шеңберінде 1800-ден астам іс-шаралар өткізілді, қатысушылардың жалпы қамтылуы 610 мыңнан астам адамды құрайды.

«Рухани жаңғыру» бағдарламасы аясында 135 мыңнан астам адамды қамтитын 394 іс-шара өткізілді.

«Білімге табыну» бағыты бойынша - 117 іс-шара

«Сананың ашықтығы» бағыты бойынша - 51 іс-шара

«Прагматизм» бағыты бойынша - 23 іс-шара

«Бәсекеге қабілеттілік» бағыты бойынша - 58 іс-шара

«Эволюциялық даму» бағыты бойынша - 75 іс-шара

«Ұлттық бірегейлікті сақтау» бағыты бойынша - 70 іс-шара.

Ағымдағы жылы Жаңаауыл кентінде екі ауылдық клуб және Теміржолшылар, Кенжекөл ауылында Мәдениет үйі салынды және ашылды.

Мәдениет сарайында Естай атындағы мұражай ашылды, 35,7 млн.теңге сомасына П. Васильев атындағы орталық қалалық кітапхананың ағымдағы жөндеу жұмыстары аяқталды.

Тұрақты негізде тұрғындарды дене шынықтырумен және спортпен жүйелі түрде айналысуға тарту бойынша жұмыстар жүргізілуде.

Негізгі көрсеткіш - әртүрлі спорт түрлерімен жүйелі шұғылданатындардың саны 110,3 мың адамды құрайды, бұл қала халқының жалпы санынан 30,6% - ға сәйкес келеді.

Жыл бойы 340 спорттық-бұқаралық және дене шынықтыру-сауықтыру іс-шаралары өткізілді, оған 55 спорт түрі бойынша 49 мыңнан астам салауатты өмір салтын сүйетіндер қатысты.

Ағымдағы жылы:

- Катаев көшесі, 63/1 бойындағы №1 БЖСМ бокс залына күрделі жөндеу жүргізілді;

- 56 стритбол алаңы орнатылды;

- бұрынғы Батыр стадион аумағында Ломов көшесі, 140/5 бойындағы «Bolashaq Arena» жабық футбол манежі салынды.

- Павлодар және Ленин ауылдарында дене шынықтыру-сауықтыру кешені енгізілді.

- футбол манежі ашылды, олимпиада резервін дайындау орталығының құрылысы, жеңіл атлетика манежі және «Спорт-сити» ауданында жабық мұз аренасын шешу жұмыстары жүргізілуде.

- Павлодар қаласының ауылдық аймағында 2 дене шынықтыру-сауықтыру кешені (Мойылды ауылы, Жетекші ауылы).     

Қоғамдық-саяси жағдай

Қазіргі уақытта Павлодар қаласында 591 үкіметтік емес ұйым, Қазақстан халқы Ассамблеясының 28 этномәдени бірлестігі тіркелген.

Мемлекеттік органдардың қала әкімдігі жанындағы азаматтық сектор өкілдерімен өзара іс-қимылы шеңберінде үкіметтік емес ұйымдармен өзара іс-қимыл жөніндегі консультативтік кеңес, жастар саясаты және патриоттық тәрбие жөніндегі кеңес өз қызметін жүзеге асырады.

Қаланың әлеуметтік-экономикалық дамуындағы маңызды бағыттардың бірі Павлодар қаласы Қоғамдық кеңесінің жұмысы болып табылады, ол қаланың әлеуметтік-экономикалық дамуының өзекті мәселелерін талқылауға қатысады, еңбек ұжымдарында, КЖК өкілдерімен, мемлекеттік органдардың басшыларымен кездесулер өткізеді.

Қалалық мәслихат депутаттары белсенді жұмыс жүргізуде. Ағымдағы жылы 14 сессия өткізіліп, 98 шешім қабылданды, мемлекеттік бағдарламаларды іске асыру барысын бақылау, білім беру, денсаулық сақтау, әлеуметтік қорғау мекемелеріне, КЖК объектілеріне бару арқылы халыққа қызмет көрсету сапасын зерделеу, мердігерлік ұйымдардың аула ішіндегі аумақтарды уақытында асфальттауы және сапасын бақылау мәселелері бойынша 100-ден астам көшпелі отырыс өткізілді. Депутаттар сайлау округтерінде 200-ге жуық жеке қабылдаулар мен кездесулер өткізді, онда 1,5 мыңнан астам адам қабылданды.

Жастар саясаты

Жастармен жұмыс жасаудың негізгі бағыты «Қазақстан-2020: болашаққа жол» мемлекеттік жастар саясатының 2020 жылға дейінгі тұжырымдамасын іске асыру болып табылады.

Павлодар қаласында 14-29 жас аралығындағы 74 144 жас өмір сүреді, бұл қала халқының жалпы санының 21%-ын құрайды, қаланың ауылдық аймағында ұқсас жастағы 5014 жас өмір сүреді, бұл қала халқының жалпы санының 1,5%-ын құрайды.

Қалада 30-дан астам жастар қоғамдық бірлестіктері тіркелген, оның ішінде белсенді жұмыс істейтін 14 бірлестік болып табылады.

Жастар қоғамдық құрылымдары жұмыс істейді: Павлодар қаласы әкімінің жанындағы жастар саясаты және патриоттық тәрбие жөніндегі кеңес және жас мемлекеттік қызметкерлер кеңесі.

Мемлекеттік қолдау арқылы 2019 жылы жалпы 32 мыңнан астам адамды қамтитын 17 бағыт бойынша 60-тан астам іс-шаралар іске асырылды.

Құқық бұзушылықтың алдын алу және қылмысқа қарсы күрес 

2019 жылдың 11 айының қорытындысы бойынша құқық бұзушылықтардың жалпы саны 19,9% - ға төмендегені байқалады.       

Құқық бұзушылықтың алдын алу және қылмыс деңгейін төмендету мақсатында «Құқықтық тәртіп», «Жасөспірім», «Тұрмыс», «Қауіпсіз аула», «Көктемгі демалыс», «Назар аударыңыз, балалар!».

Бұл ретте көшелерде жасалған қылмыстардың үлес салмағы 17,9%-ды құрады.

Қарақшылық 10% – ға, тонау 9,4%-ға, бөтен мүлікті ұрлау 27,2% – ға, отбасылық – тұрмыстық қатынастар саласындағы қылмыстар 16,7% - ға, ауыр дене жарақаттары 6,8% - ға төмендеді.

Бұл ретте алаяқтық – 41,6%, бұзақылық – 12,1%.

Жол-көлік оқиғалары 6,5% төмендеді.

Қала көшелерінде құқық бұзушылықтың алдын алу үшін  117 сыртқы бейнебақылау камералары арқылы бейнебақылау жүйесі пайдаланылады, одан ІІБ кезекші бөліміне шығарылады.

Нәтижесінде, бейнебақылау жүйесінің көмегімен қала бойынша 124 қылмыс ашылып, 18 921 әкімшілік құқық бұзушылық анықталды.   

Мемлекеттік қызметтер

2019 жылы қала әкімінің халықпен 7 есеп беру кездесуі, қоғамдық кеңеспен 1 кездесу өткізілді, оның барысында азаматтардан 26 сұрақ келіп түсті, 32 ескертулер мен ұсыныстар айтты, 35 сұрақ бақылауға алынды және іске асырылды.

Павлодар қаласы әкімінің аппаратына жеке және заңды тұлғалардан 5242 өтініш келіп түсті, оның ішінде 829 – жеке қабылдауда, 4413 - жазбаша.

Өтініштердің басым бөлігі тұрғын үй қатынастары және коммуналдық шаруашылық, сәулет және құрылыс (3064), әлеуметтік сала (1421), жер қатынастары және жер пайдалану (593), кәсіпкерлік, ауыл шаруашылығы (34), қаржы және экономика (130) мәселелері бойынша келіп түсті.

Барлық өтініштер бақылауға алынды, өтініш берушілерге жауаптар берілді. Қала әкімдігінің мемлекеттік мекемелерімен 112 мемлекеттік қызмет көрсетілді, барлығы 126 мыңнан астам қызмет көрсетілді.

Мемлекеттік қызмет стандарттары және мемлекеттік қызмет көрсетуге қатысты ақпарат Павлодар қаласы әкімдігінің интернет-ресурстарында орналастырылады және үнемі жаңартылып отырады.

Дата публикации

30 декабря 2019

Дата обновления

30 декабря 2019

Тип

Ақпарат