Ерсайын Ахметжанұлы Бимағанов (20.11.1938 ж.т.)

Павлодар облысының тумасы. Білімі жоғары. Қазақ политехникалық институтын бітірген. Е. А. Бимағановтың барлық еңбек қызметі Павлодар алюминий зауытында өтті, онда ол еңбек жолын 1961 жылы жоғары оқу орнын бітіргеннен кейін бастады және 2008 жылы зейнеткерлік демалысына шыққаннан кейін аяқтады. Инженерлік қызметтерде жұмыс істеді. Зауытта жұмыс істей жүріп, үнемі қоғамдық өмірге қатысты. Қалалық депутаттар Кеңесінің депутаты, зауыт парткомында партия комитеті хатшысының орынбасары болып сайланған.

Зейнеткерлікке шыққаннан кейін қоғамдық жұмыстарды жүргізді: төрт жыл бойы «Қазақ тілі» облыстық қоғамын басқарды, 2002 жылдың қаңтарынан бастап Ерсайын Бимағанов 5 шағын аудан ардагерлер кеңесінің соғыс ардагерлері кеңесінің төрағасы болып сайланды. 2003 жылы қалалық ардагерлер кеңесінің конференциясында ол төраға болып сайланды, содан кейін үш жыл қалалық соғыс және еңбек ардагерлері кеңесі төрағасының орынбасары болды. 2008 жылдан бастап қазіргі уақытқа дейін Павлодар қаласы 1 шағын ауданының соғыс және еңбек ардагерлері кеңесін басқарады. Облыстық және қалалық ардагерлер кеңесінің мүшесі болып табылады, онда зейнеткерлерге кеңес береді, қарттардың проблемалық мәселелерін шешуге көмектеседі, қала жұртшылығы арасында беделге ие.

Марапаттары: «В. И. Лениннің туғанына 100 жыл толуына орай ерен еңбегі үшін» медалі (1970 ж.), «Еңбек сіңіргені үшін» медалі (1971 ж.), «Облыс алдында сіңірген еңбегі үшін» медалі (2022 ж.), «Құрмет белгісі» медалі (2014 ж.), төс белгілері «КСРО Түсті металлургия Социалистік жарысының үздігі» «Мінсіз еңбегі үшін», «Социалистік жарыстың жеңімпазы».