Павлодар қаласының әкімдігі ҚАУЛЫ ЕТЕДІ және Павлодар қалалық мәслихаты ШЕШТІ:
- «Павлодар қаласының қалалық қоғамдық көлігінде (таксиден басқа) тегін жол жүру құқығын қоса алғанда, көлік қызметтеріне жеңілдіктер белгілеу туралы» Павлодар қаласы әкімдігінің 2024 жылғы 18 желтоқсандағы № 1722/2 бірлескен қаулысына және Павлодар қалалық мәслихатының 2024 жылғы 18 желтоқсандағы № 209/23 шешіміне (Нормативтік құқықтық актілерді мемлекеттік тіркеу тізілімінде № 7625-14 болып тіркелген) келесі толықтыру енгізілсін:
1-тармақ келесі мазмұндағы 4-1) тармақшамен толықтырылсын:
«4-1) Семей ядролық сынақ полигонындағы ядролық сынақтардың салдарынан зардап шеккен және зейнеткерлік жасқа толған азаматтарға;».
- Осы бірлескен қаулы мен шешімнің орындалуын бақылау қала әкімінің жетекшілік ететін орынбасарына және Павлодар қалалық мәслихатының тұрғын үй-коммуналдық шаруашылық мәселелері жөніндегі тұрақты комиссиясына жүктелсін.
- Осы бірлескен қаулы мен шешім оның алғашқы ресми жарияланған күнінен бастап қолданысқа енгізіледі.
Павлодар қаласының әкімі Х. Хабылбеков
Павлодар қалалық мәслихатының төрағасы К. Кожин