Мемлекет мұқтажы үшін жер телімдерін алып қоюға байланысты жер телімдерін және (немесе) өзге жылжымайтын мүлікті мәжбүрлеп иеліктен шығаруды бастау туралы

Қазақстан Республикасының 2003 жылғы 20 маусымдағы Жер кодексінің 84-бабына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабына, Қазақстан Республикасының              2011 жылғы  1 наурыздағы «Мемлекеттік мүлік туралы» Заңының 63-бабына сәйкес, Қазақстан Республикасы Үкіметінің 2018 жылғы 12 маусымдағы «Павлодар облысы Павлодар қаласының бас жоспары туралы» № 337 қаулысы, Павлодар қаласы әкімдігінің 2022 жылғы 12 желтоқсандағы «Павлодар қаласындағы «Достық» шағынауданының телім көлемі 95 га перспективалық биік құрылысына егжей – тегжейлі жоспарлау жобасын түзетуді бекіту туралы» № 1964/3 қаулысы негізінде, Павлодар облысы әкімдігінің 2023 жылғы 07 желтоқсандағы «Павлодар облысы әкімдігінің   2021 жылғы 11 қаңтардағы «Павлодар облысының 2021-2025 жылдарға арналған даму жоспары туралы» № 4/1 қаулысына өзгеріс енгізу туралы»                  № 313/4 қаулысымен бекітілген Мемлекеттік жоспарлау жүйесінің құжатын, Павлодар облысы әкімдігінің 2024 жылғы 17 қаңтардағы «Павлодар облысы әкімдігінің 2022 жылғы 6 қаңтардағы «Павлодар облысының                      2021-2025 жылдарға арналған даму жоспарын іске асыру жөніндегі іс-шаралар жоспары туралы» № 1/1 қаулысына өзгеріс енгізу туралы» № 11/1 қаулысын іске асыру мақсатында Павлодар қаласының  әкімдігі ҚАУЛЫ ЕТЕДІ:

  1. Қосымшаға сәйкес, мемлекет мұқтажы үшін жер телімдерін мәжбүрлеп иеліктен шығару басталсын.
  2. Осы қаулы ресми жарияланған күннен кейін 3 (үш) ай өткен соң мәжбүрлеп иеліктен шығару күні бастау күні болып белгіленсін.
  3. 3. Келісу рәсімдерін жүзеге асыру үшін Павлодар қаласы, Кривенко көшесі, 25, 620 - кабинет мекенжайы бойынша орналасқан «Павлодар қаласы жер қатынастары бөлімі» мемлекеттік мекемесіне хабарлассын.
  4. «Павлодар қаласы жер қатынастары бөлімі» мемлекеттік мекемесі осы қаулы шыққан уақыттан бастап 3 (үш) жұмыс күні ішінде осы қаулының ресми жариялануын қамтамасыз етсін және оның орындалуы бойынша қажетті басқа да шараларды қабылдасын.
  5. «Павлодар қаласы жер қатынастары бөлімі» мемлекеттік мекемесі барлық уәкілетті мемлекеттік органдармен бірлесіп, Қазақстан Республикасының қолданыстағы заңнамасына сәйкес, осы қаулыдан туындайтын қажетті шараларды қабылдасын.
  6. Осы қаулы Қазақстан Республикасының қолданыстағы заңнамасына қайшы келмейді.
  7. Осы қаулыны іске асыру үшін Қазақстан Республикасы Жер кодексінің 84-бабы 3-тармағына сәйкес қаржылық шығындар қажет етіледі.
  8. Осы қаулының орындалуын бақылау қала әкімінің  орынбасары Қ. Қ. Беготаеваға жүктелсін.

           Павлодар  қаласының  әкімі                                       Х. Хабылбеков

Дата публикации
03 сентября 2025