ЖСК туралы ереже

Павлодар қалалық аумақтық сайлау комиссиясының жанындағы Жас сайлаушылар клубы (бұдан әрі - Клуб) жас азаматтардың, сайлау процесіне қатысушылардың еркін бірлестігі болып табылады және «Қазақстан Республикасындағы сайлау туралы» Қазақстан Республикасы Конституциялық заңының 14-бабының 11-1) тармақшасына сәйкес және Павлодар қалалық аумақтық сайлау комиссиясының жұмыс регламенті негізінде құрылады.

Осы Ереже Клуб қызметін жүзеге асыру тәртібін айқындайды.

Клуб өз қызметін жүзеге асыру кезінде Павлодар қалалық аумақтық сайлау комиссиясының (бұдан әрі – Павлодар ҚАСК) мүшелерімен, сондай-ақ өзге де органдар мен ұйымдармен, азаматтармен өзара іс-қимыл жасайды.
Клуб туралы Ереже Павлодар ҚАСК қаулысымен бекітіледі.

Клубты құрудың мақсаты жастардың назарын сайлау процесінің өзекті мәселелеріне аудару, олардың сайлау белсенділігі мен құқықтық мәдениетін арттыру болып табылады.
Клубтың негізгі міндеттері:

1) жас азаматтарды консультациялық-әдістемелік көмекпен қамтамасыз ету;

2) жастар арасында сайлау құқықтарын түсіндіру бойынша заманауи тәсілдерді әзірлеу;

3) жастардың сайлау процесіне қатысуының өзекті мәселелерін қарау және олардың бастамаларын қолдау;

4) жас сайлаушылардың сайлау процесіне қызығушылығын арттыру.

Клубқа студенттер, мектеп оқушылары, жұмысшы жастар қатыса алады. Клубқа қатысу тегін.
Клуб қатысушылары клуб отырыстарының күн тәртібіне енгізілген мәселелерді талқылау кезінде тең құқықтарға ие.
Клуб жетекшісі сайлау комиссиясының мүшесі болып табылады.
Клуб мүшелері құқылы:

1) Павлодар қаласының сайлау комиссияларының мүшелеріне ұсыныстармен жүгінуге;

2) Клуб отырысының хаттамасына қоса тіркелуге жататын Клуб қатысушыларының өзге де пікірлерімен келіспеген жағдайда өз пікірін баяндауға міндетті.

Клуб өз қызметін түрлі форматтағы отырыстар түрінде жүзеге асырады: дөңгелек үстелдер, кездесулер, пікірталастар және ұжымдық өзара іс-қимылдың өзге де нысандары.
Іс-шараларды Клуб басшысы жылдық жоспар бойынша өткізеді.
Павлодар ҚАСК Клуб жұмысын үйлестіреді және әдістемелік көмек көрсетеді, оның ішінде отырыстарды дайындау бойынша.
Клубтың қызметін қамтамасыз етуді, іс қағаздарын жүргізуді және отырыстарды өткізуді ұйымдастыруды Павлодар ҚАСК мүшелері жүзеге асырады, оның ішінде:

1) отырыстарды дайындау және өткізу жөніндегі ұйымдастыру жұмысын жүзеге асырады;

2) Клуб қатысушыларын отырыс өткізілгенге дейін бес күннен кешіктірілмейтін мерзімде отырыстың күні мен күн тәртібі туралы хабардар етеді;

3) Клуб отырысының хаттамасын, оның ішінде фото-, аудио-, бейнежазба құралдарын пайдалана отырып жүргізеді;

4) Клубтың өткізілген отырысы туралы ақпаратты және өзге де материалдарды әлеуметтік желілерде орналастыруға құқылы.