Онлайн форматта тұрғылықты жері бойынша тіркеуге тұру

Тіркеудің екі түрі   бар,  бұл тұрақты және уақытша.

Онлайн форматта тұрғылықты жері бойынша тіркелу үшін:

1. egov.kz порталы → «Азаматтық, миграция және иммиграция»→ «Халықты тіркеу және тіркеу есебінен алып тастау» бөлімін таңдайсыз;
2. Өз қажеттілігіңізге байланысты «Қазақстан Республикасының халқын тұрғылықты жері бойынша тіркеу» немесе «Республикасының халқын тұрғылықты жері бойынша уақытша тіркеу» қызметтерінің бірін таңдайсыз.
3. Ашылған өтінішті толық толтырасыз (тіркеуге тұратын үйдің мекен-жайы, үй иесі жайлы мәлімет) және электронды қолтаңбаңызды қолданасыз;
4. Үй иесінің (үй иелерінің) келесімін аласыз;
5. Үй иесі келесімін бергеннен кейін 10 минут ішінде тұрғылықты жері бойынша тіркеу мәліметіңіз өзгереді.