Аудандық сотында «дөңгелек үстел» өтті

Май аудандық сотында судьялар мен сот қызметкерлердің қатысуымен «Мемлекеттік тілде дайындалатын сот актілері мен кеңсе құжаттарының сапасын арттыру» тақырыбында «дөңгелек үстел» өтті.

      «Дөңгелек үстел» жұмысын ашқан аудандық сотының судьясы Гүлзия Хамитова,  өткізіліп отырған шараның өзектілігі мен маңыздылығы туралы  айтып, қазақ тілінде қаралып жатқан қылмыстық істердің саны мен сапасын арттыру қажет екендігін атап өтті.

      «Дөңгелек үстел» барысында алдағы уақытта мемлекеттік тілде қаралған істер мен материалдардың саны мен сапасын арттыру мәселесі талқыланды.

Кездесуді қорыта келе, қатысушылар сындарлы сұхбат өзекті болып табылатынын және қабылданған ұсынымдар алдағы жұмыста ескерілетінін атап өтті.