Павлодар обылысының Май аудандық сотында 2020 жылдың 10 айындағы жұмыс қорытындылары жасалды

Павлодар облысының Май аудандық сотында 2020 жылдың 10 айында 17 қылмыстық, 143 азаматтық, 136 әкімшілік іс, сондай-ақ сот орындаушыларының 112 ұсынысы, қылмыстық істер бойынша 1 материал қаралды. Тергеу судьясы санкция беру туралы  6 өтінішті қарады.

       Қаралған істердің ішінде 27 іс бойынша сот ісін жүргізу мемлекеттік тілде жүзеге асырылды. 9  азаматтық іс бойынша іс жүргізу бітімгершілік келісім мен медиацияны қолданумен тоқтатылды.  Және 17 әкімшілік іс бойынша іс жүргізу медиаторлардың, Билер кеңесі мүшелерінің қатысуымен, тараптардың татуласуына байланысты тоқтатылды.

       БАҚ-пен өзара іс-қимыл бойынша белгіленген жұмыс жүргізілді, атап айтқанда, бұқаралық ақпарат құралдарында 180 жарияланым, оның ішінде 86 жарияланым Facebook жүйесінде, обылыстық сайтта 16 жарияланым, арнайы аудандық әкімдік сайтында 64 жарияланым және аудандық жергілікті «Шамшырақ» газетінде 14 жарияланым орналастырылды.

        «Сот кабинеті» сервисі арқылы сотқа 79  электрондық талап арыз және әкімшілік құқық бұзушылық туралы 139 іс түсті.