Алкоголь өнімін белгіленбеген уақытта сатқаны үшін айыппұл

Май аудандық сотымен ЖК О.-ға қатысты ӘҚБтК 200-бабы 3-бөлігі (Этил спиртінің көлемді үлесі отыз пайыздан асатындарын сағат 21.00-ден келесі күнгі сағат 12.00-ге дейін бөлшек сауда арқылы өткiзу) бойынша әкімшілік іс қаралды.

    Жеке кәсіпкер О өзінің жеке меншік «Анель» атты дүкенінде алкоголь өнімін өткізу жөніндегі Қазақстан Республикасы заңнамасының талаптарын бұзып,  заңмен тиым салынған уақытта «CAPITAL» атты 40 пайызды құрайтын этильдық спирты бар, 0,5 литрлы бір шөлмек арақты азамат М-ға сатқан.

    Сот отырысында ЖК О. құқық бұзушылықты жасаудағы кінәсін толық мойындап, істеген ісіне өкінді. Соттан оған қатан жазаны қолданбауын сұрады.

    Сот қаулысымен ЖК О. ӘҚБтК-нің  200-бабының 3-бөлігімен көзделген құқық бұзушылықты жасауда кінәлі деп танылды және алкоголь өнімін сату лицензиясының қолданысын бір айға тоқтатумен  және 77 784 теңге мөлшерінде айыппұл түріндегі әкімшілік жаза тағайындалды.

Қаулы заңды күшіне енген жоқ.