Коммерциялық емес ұйымдарға және қатардағы азаматтарға жүгіну

Ертіс ауданының Қоғамдық кеңесті қалыптастыру бойынша жұмыс тобы    коммерциялық емес ұйымдар өкілдері мен қатардағы азаматтарға Қоғамдық кеңес мүшелеріне кандидаттар туралы ұсыныстар жіберулерін сұрайды. 

      Коммерциялық емес ұйым болып табылатын бір заңды тұлғадан Қоғамдық кеңеске бір ғана өкіл сайлана алады.

      Қазақстан Республикасының 18 жасқа толған, сондай-ақ тиісті әкімшілік-аумақтық бірлік шегінде тұрақты тұратын азамат  Қоғамдық кеңес мүшелігіне кандидат бола алады.

       Конкурсқа қатысу үшін мынадай құжаттар ұсынылады:

1) кандидатураны Қоғамдық кеңестің құрамына ұсыну туралы коммерциялық емес ұйымның жазбаша ұсынысы және (немесе) азаматтың өтініші;

2) өмірбаян деректері көрсетіле отырып, кандидаттың кәсіптік және (немесе) қоғамдық қызметі туралы мәліметтер;

3) сотталғандығының болуы не болмауы туралы анықтама;

4) психикалық, мінез-құлықтық, оның ішінде психикаға белсенді әсер ететін

заттарды тұтынуға байланысты бұзылушылықтардың (аурулардың) болуы не болмауы туралы анықтама.

Құжаттарды қабылдау мерзімі хабарлама жарияланғаннан кейін 10 жұмыс күні, яғни  2022 ж. 11 сәуірге дейін.

Конкурсқа қатысуға ниет білдірушілер Ертіс ауылы Желтоқсан  көшесі, 104, «Ертіс аудандық мәслихат аппараты» ММ  каб.  2,  анықтама үшін тел. 8(71832)2-20-02, e-mail:irtmaslihat909@mail.ru эл.поштаға құжаттарды тапсыруға болады.