2025 жылы мемлекеттік қызмет көрсету бойынша «Ертіс ауданы әкімінің аппараты» ММ-нің жұмысы туралы есеп

Қазақстан Республикасы цифрлық даму, инновациялар және аэроғарыш өнеркәсібі министрінің м.а. 2020 жылғы 31 қаңтардағы № 39/НҚ бұйрығымен бекітілген мемлекеттік қызметтер тізіліміне сәйкес «Ертіс ауданы әкімінің аппараты» ММ 2025 жылғы 31 желтоқсандағы жағдай бойынша мемлекеттік қызметтердің 2 түрін көрсетті:

1. Әскерге шақырудан кейінге қалдыруды беру;
2. Азаматтарды әскери қызметке шақырудан босату.

2025 жылы аудан әкімінің аппаратымен барлығы 66 мемлекеттік қызмет көрсетілді; оның ішінде әскерге шақырудан кейінге қалдыруды беру- 48, азаматтарды әскери қызметке шақырудан босату-18. Бұл қызметтер жеке тұлғаларға көрсетілді, заңды тұлғаларға мемлекеттік қызмет көрсетілмеді.

         Аудан әкімі аппаратының ғимаратында «Ертіс ауданы әкімдігінің азаматтарды қабылдау орталығы» орналасқан. Мемлекеттік қызметтерді көрсету туралы ақпаратқа халықтың кеңінен қол жеткізуін қамтамасыз ету үшін аудан әкімі аппаратының ғимаратындағы ақпараттық стендте мемлекеттік қызметтер көрсету қағидалары орналастырылған, сондай-ақ Қазақстан Республикасы Әлеуметтік Кодексінің 19-бабына сәйкес мүгедек адамдар үшін құқықтарды іске асыру мақсатында мемлекеттік қызметтер көрсету кезінде бірінші кезектегі қызмет көрсету қамтамасыз етілген, атап айтқанда, пандус, тактильді жолақтар, Браиль шрифті және мүгедектерге арналған шақыру түймесі бар. Өзіңе-өзі қызмет көрсету бұрышы орналасқан. Халықтың хабардарлығын арттыру мақсатында брошюралар таратылды.

       2025 жылдың 12 айында белгіленген мерзімдерді бұза отырып көрсетілген мемлекеттік қызметтер жоқ, мемлекеттік қызметтер көрсету мәселелері бойынша көрсетілетін қызметті алушылардан шағымдар түскен жоқ.

       Халыққа мемлекеттік қызмет көрсету мәселесі аудан әкімі аппаратының басшысының тұрақты бақылауында.

       2026 жылы көрсетілетін қызметті алушылардың мемлекеттік қызметтер көрсету сапасына қанағаттануын арттыру, атап айтқанда мемлекеттік қызметтер көрсету мерзімдерінің бұзылуына жол бермеу, «Азаматтарға арналған үкімет» мемлекеттік корпорациясы арқылы және «электрондық үкімет» порталы арқылы көрсетілген мемлекеттік қызметтер санын ұлғайту жөніндегі жұмыс жалғастырылатын болады.

Ертіс ауданы әкімінің

аппаратының басшысы                                                Р. Аренов