АБАЙЛАҢЫЗ-ҚЫЗЫЛША!!!

ДДҰ әлемнің әртүрлі аймақтарында қызылшаның таралу қаупін жариялады, өйткені COVID-19 вакцинациямен қамтудың төмендеуіне және ауруды эпидемиялық бақылаудың төмендеуіне әкелді. Таяу шет елдерде: Украина, Қырғызстан, Ресей, Тәжікстанда эпидемиологиялық жағдайдың күрделенуі байқалады. Сондай-ақ, Қазақстанда қызылша бойынша эпидемиялық жағдайдың асқынуы байқалады. Павлодар облысында 2023 жылғы 16 наурыздағы жағдай бойынша қызылшаға күдікпен 3 жағдай тіркелді, оның ішінде 14 жасқа дейінгі балалар – 3 жағдай.

Қызылша-инфекцияның өте жоғары деңгейі бар жедел жұқпалы вирустық ауру, оның қоздырғышы қызылша вирусы болып табылады. Ол жоғары температурамен (40,5 С дейін), ауыз қуысы мен жоғарғы тыныс жолдарының шырышты қабығының қабынуымен, конъюнктивитпен және терінің дақты-папулярлы бөртпесімен, жалпы интоксикациямен сипатталады. Қызылша жоғары жұқпалылықпен сипатталады, ауа тамшылары арқылы беріледі және тиісінше вакцинацияланбаған адамдар үшін 100% қауіп төндіреді. Сырқаттанушылық негізінен қызылшаға қарсы егілмеген балалар арасында, оның ішінде вакцинациядан бас тарту, медициналық қарсы көрсетілімдер және егу жасына 12-15 айға жетпеу себебінен тіркеледі.

Баланы қызылшадан қорғаудың жалғыз тиімді әдісі, көптеген басқа жұқпалы аурулар сияқты, ВАКЦИНАЦИЯ болып табылады.