2021 жылғы 7 шілдеден бастап Павлодар, Ақсу, Екібастұз қалаларының ХҚО-лары санитарлық дәрігердің қаулысына сәйкес азаматтарды тек алдын ала брондау арқылы қабылдайды.
ХҚО-да кезекке бірнеше тәсілмен онлайн тапсырыс беруге болады:
- egov.kz электрондық үкімет порталы,
- eGovKzBot2.0 телеграм-бот,
- egov mobile мобильді қосымшасы,
- 1414 Бірыңғай байланыс орталығы арқылы.
«ХҚО-ға белгіленген уақыттан 15-20 минут бұрын келу керек. Бұл туралы сіздің телефоныңызға брондауды растау үшін келетін хабарламада жазылады. Азаматтардан кешігіп қалмауды сұраймыз. Өйткені белгіленген уақытыңыз өтіп кетсе, сіздің брондалған талоныңыз жүйеде көрінбейді және кезекті қайта брондауға немесе мүмкін басқа күнге тура келеді», - деді «Азаматтарға арналған үкімет» облыстық филиалының директоры Фархат Әлімов.
ХҚО-ға келген кезде клиенттер әлеуметтік қашықтықты сақтауы және бетперде киюі тиіс. ХҚО ғимаратына кіру «Ashyq» қосымшасы арқылы жүзеге асырылады. Бүгінде онлайн режимде мемлекеттік қызметтердің 90%-дан астамы қолжетімді. Egov.kz немесе Egov mobile арқылы қызметтерді алуға болады.