23 маусымда Қазақстанда мемлекеттік қызметшілер күні атап өтіледі. Ол 2003 жылы БҰҰ Бас Ассамблеясы 23 маусымды Мемлекеттік қызметші күні деп белгілеп, Біріккен Ұлттар Ұйымына қатысушы елдерді осындай күнді өз елдерінде құруға шақырғанына байланысты құрылды.
2013 жылғы желтоқсанда Қазақстан Республикасының Тұңғыш Президенті Н.Назарбаев республикадағы кәсіби мерекелер тізбесіне толықтырулар енгізу туралы тиісті Жарлыққа қол қойды. 2014 жылдың маусым айынан бастап Қазақстанда мемлекеттік қызметшілер күні атап өтіле бастады.
Елдегі мемлекеттік қызметшілердің рөлі зор. Өйткені, олар қоғамдық өмірдің барлық салаларында мемлекет жүргізіп отырған саясаттың жетекшісі болып табылады. Негізінен, мемлекеттік қызметшілердің жұмысы заңдарда мемлекет белгілеген құқықтық кеңістік шеңберінде азаматтардың қажеттіліктерін қанағаттандыруға бағытталған.
Кәдөш Н.С. Екібастұз қаласының ауданаралық
әділет басқармасының басшысы,
«ҚЗО» РҚБ Павлодарлық филиалының мүшесі