Лицензиялық шарт
1. Лицензиялық шарт бойынша зияткерлік шығармашылық қызмет нәтижесіне немесе дараландыру құралына (лицензиарға) айрықша құқығы бар Тарап екінші Тарапқа (лицензиатқа) тиісті зияткерлік меншік объектісін белгілі бір тәсілмен уақытша пайдалану құқығын береді.
Лицензиялық шарт өтеулі деп болжанады.
2. Лицензиялық шарт лицензиатқа беруді көздеуі мүмкін:
1) зияткерлік меншік объектісін пайдалану құқығын лицензиардың оны пайдалану мүмкіндігін және лицензияны басқа тұлғаларға беру құқығын сақтай отырып (жай, айрықша емес лицензия);
2) зияткерлік меншік объектісін лицензиардың оны пайдалану мүмкіндігін сақтамай және басқа тұлғаларға лицензия беру құқығынсыз пайдалану құқығы (айрықша лицензия);
3) зияткерлік меншік объектісін пайдаланудың заңнамалық актілерге қайшы келмейтін басқа да шарттарын қамтуы мүмкін.
Егер лицензиялық шартта өзгеше көзделмесе, лицензия жай (айрықша емес) лицензия деп ұйғарылады.
3. Лицензиаттың зияткерлік меншік объектісін пайдалану құқығын басқа тұлғаға беруі туралы шарт сублицензиялық шарт деп танылады. Лицензиат лицензиялық шартта көзделген жағдайларда ғана сублицензиялық шарт жасасуға құқылы.
Егер лицензиялық шартта өзгеше көзделмесе, қосалқы лицензиаттың әрекеттері үшін лицензиар алдында лицензиат жауапты болады.
Шарт және кешенді
кәсіпкерлік лицензия (Франчайзинг)
1. Кешенді кәсіпкерлік лицензия шарты бойынша бір Тарап (кешенді лицензиар) екінші Тарапқа (кешенді лицензиатқа) сыйақы үшін, атап айтқанда, лицензиардың фирмалық атауын және қорғалатын коммерциялық ақпаратты, сондай-ақ шартта көзделген айрықша құқықтардың басқа да объектілерін (тауар белгісін, қызмет көрсету белгісін, патентті және т.б.) пайдалану құқығын қамтитын айрықша құқықтар кешенін (лицензиялық кешенді) лицензиаттың кәсіпкерлік қызметінде пайдалану үшін беруге міндеттенеді.
2. Кешенді кәсіпкерлік лицензия шарты лицензиардың лицензиялық кешенін, іскерлік беделін және коммерциялық тәжірибесін белгілі бір көлемде (атап айтқанда, пайдаланудың ең аз және (немесе) ең көп көлемін белгілей отырып), белгілі бір қызмет саласына қатысты пайдалану аумағын көрсете отырып немесе көрсетпей пайдалануды көздейді.
Кәдөш Н.С. Екібастұз қаласының ауданаралық
әділет басқармасының басшысы,
«ҚЗО» РҚБ Павлодарлық филиалының мүшесі